Ciidamada xoogga dalka Soomaaliyeed ayaa markale waxaa ay howlgallo xoogan ka sameeyeen degano kuyaalla xadka Gobolada Baay iyo Bakool ee dowlad Goboleedka Koonfur Galbeed, halkaas oo la sheegay in mararka qaar lagu arko Xubno katirsan Al-Shabaab.
Howlgalka ayaa waxaa sigaar ah u fuliyay Ciidamada Ururka 45- aad Guutada 8-aad Qeybta 60-aad Ee Ciidanka Xoogga Dalka Soomaaliyeed, iyaga oo isku fidiyay degaano ku teedsan Bariga iyo Galbeed Magaalooyinka Dhaca Waajid Ee Gobalka Bokool iyo Degmada Bardaalle Ee Gobalka Baay.
Degaannada howlgallada sida gaarka ah looga fuliyay ayaa waxaa kamid ah degaannada, Ceel Dhuun Adeegow ,Shaanto ,Ceel Mareere ,Garas xabad, iyo Coosle ee dhaca xuduudka gobolada Baay iyo Bakool.
Taliyaha Ururka X/le Ali Nuur Mad idiris oo howlgalka hoggaaminayay ayaa sheegay in Ciidamadu ay howlgalka ku burburiyay Baro-koontorool oo ay Al-Shabaab dadka uga qaadi jireen lacagaha sidoo kalena dadka ku dhibaateyn jireen.
Howlgalkan ayaa kusoo aadaya xilli degaannada Koonfur Galbeed uu ka socdo diyaar garoow loogu jiro billaabida wajiga labaad ee howlgallada ka dhanka ah Ururka Al-Shabaab.
