Weriye hore C/Maalik Muuse Coldoon ayaa shaaciyey inuu ka baxsaday magaaladii uu ku noolaa ee Burco, Gobolka Togdheer ee maamulka Somaliland, isla markaana ku sugan yahay meel ammaan ah oo aanu sheegin.
Qoraalka Cabdimaalik Coldoon oo aad u kooban ayaa u dhignaa sidan: “Waan ka tagey Burco. Xalay ayaan guure kaga baxay magaaladaydii Burco, kaddib markii aan ogaaday in la go’aamiyey in la i xiro. Hadda waxa aan ku suganahay meel aan ku dareemayo ammaan.”
Dad badan ayaa saadaalinaya inuu aaday goob ay ugu horeeyeen Abwaano iyo dhalinyaro kasoo jeeda degaanada W/Galbeed.
Arrinta shakiga badan abuurtay ee qoraalkiisa ku jirtay waxay ahayd inuu sheegay inuu tegay “goob uu ku dareemayo ammaan.”
Ma cadda in Cabdimaalik uu ku biiray kooxda Al-shabaab iyo in kale.
