Kooxda hubeysan ee Hezbollah ayaa gantaallo tiro badan ku riday waqooyiga Israel, taas oo keentay in qaylo-dhaan iyo seerino laga maqlo magaalooyin badan oo ku yaalla gobolka Galilee.
Wararka ayaa sheegaya in qiyaastii 100 gantaal laga soo tuuray dhanka Lebanon, iyadoo nidaamka difaaca hawada Israa’iil uu isku dayay inuu qabto qaar ka mid ah gantaallada. Dadka rayidka ah ee ku nool waqooyiga dalka ayaa lagu amray inay ku dhowaadaan goobaha gabaadka (shelters) si ay uga badbaadaan weerarka.
Militariga Israa’iil ayaa sheegay in weerarka kaddib ay bilaabeen duqeymo ka dhan ah goobaha ay Hezbollah ku leedahay Lubnaan, iyagoo bartilmaameedsaday meelo lagu tuhunsan yahay in laga rido gantaallada.
Weerarkan ayaa qayb ka ah xiisadda sii kordheysa ee Bariga Dhexe, iyadoo dagaallo iyo weerarro isdaba joog ah ay ka socdaan xadka u dhexeeya Israel iyo Lebanon.
