Baydhabo-{WMN}-Madaxweynaha Dowlad gobaleedka Koonfur Galbeed Mudane Cabdicasiis Xassan Maxamed (Laftagareen) oo Maanta Magaalada Baydhabo Ka baxay ayaa gaaray magaalada Muqdisho ee Casimada Dalka .
Wafdiga waxaa gudaha garoonka Diyaaradaha Aadan Cadde kusoo dhaweeyay wasiiro ka tirsan XFS, xildhibaano ka tirsan labada gole, Masuuliyiin ka socday xafiisyada Madaxweynaha iyo Kan Ra’iisal wasaaraha.
Madaxweyne Cabdicasiis Xasan Maxamed Laftagareen ayaa u gaaray Muqdisho ka qeyb galka shirka wadatashiga madaxda dowlad goboleedyada iyo DF uga furmaya magaalada Muqdisho.
Madaxweynayaasha Jubbaland iyo Hirshabelle ayaa saacado ka soo gaaray caasimada dalka, iyadoo Madaxda kale ee dowlad goboleedyada la filayo iney iyana soo gaaraan magaalada Muqdisho saacadaha soo socda ee maanta ama beri
