Wasaaradda Waxbarashada, Hiddaha iyo Tacliinta Sare ee Dowlad Goboleedka Koonfur Galbeed Soomaaliya ayaa hambalyo iyo bogaadin u dirtay Deeqa Cali Mukhtaar Maxamed, oo ka tirsan ardayda Dugsiga Ma’muur Baydhabo, kaddib markii ay kaalinta 10-aad ka gashay natiijada Imtixaanka Qaranka.
Deeqa ayaa imtixaanka ka heshay 91.29 dhibcood, taasoo ka dhigtay mid ka mid ah 10-ka arday ee ugu sarreeya dalka.
Wasaaradda Waxbarashada Koonfur Galbeed ayaa sheegtay in guusha Deeqa ay ka tarjumayso dadaal, karti iyo juhdi ay gelisay waxbarashadeeda, iyadoo guushan sidoo kale sharaf u tahay waalidkeeda, macallimiinteeda, maamulka Dugsiga Ma’muur Baydhabo iyo guud ahaan bahda waxbarashada Koonfur Galbeed.
Wasaaraddu waxay Deeqa ku dhiirrigelisay inay sii waddo dadaalka waxbarasho, si ay mustaqbalka ugaalin muuqata uga qaadato horumarka bulshada iyo dalka.
Guushan ayaa sidoo kale muujinaysa kaalinta ay ardayda Koonfur Galbeed ka qaadanayaan tartanka waxbarasho ee heer qaran, iyadoo Baydhabo iyo guud ahaan gobolka Bay ay sanadkan soo bandhigeen arday natiijooyin wanaagsan ka gaaray Imtixaanka Qaranka.
Sidoo kale wasaarada waxbarashada hidaha iyo tacliinta sare Koonfur Galbeed ayaa hambalyo u dirtay dhamaan ardadii baasay kunna dhiira gelisay iney waxbarashadooda sii wataan.
Waxay Hambalyo gaar ah u dirtay ardayka kaalinta 7-aad kagalay iyo Deeqa Cali Mukhtaar Maxamed, oo kalinta 10-aad kagashay imtixaanka sanadkan 2025/2026 sidoo kale wasaaradu waxay hambalyo udirtay waalidiinta, macallimiinta iyo Dugsiga Ma’muur Baydhabo kaalintooda ay ku baxsheen waxbaradda ardaydaan guulaha soo hooyay.
halkan hoose ka aqriso 10 ka arday ugu dhibcaha sareeya sanad dugsiyeedka 2025/2026
Warsan radio – Codka shacabka
