Warsan Radio iyo BBC media action Somali ayaa soo saaray qeybta 52-aad ee Barnaamijka Barbaarta iyo Nabadda, kaas oo toddobaadkan diiradda lagu saarayo ahmiyadda ay leedahay isla xisaabtanka hoggaanka kadib doorasho dimuqraaddi ah.
Barnaamijkan ayaa bulshada lagu xusuusinayaa in doorasho dimuqraaddi ah aysan ku koobnayn oo keliya cod-bixinta iyo doorashada hoggaanka, balse ay sidoo kale muhiim tahay in madaxda la doortay ay si joogto ah uga jawaabaan waajibaadkooda, isla markaana ay shacabka u bandhigaan sida ay u gudanayaan ballanqaadyadii ay sameeyeen.
Waxaa sidoo kale lagu falanqeynayaa doorka shacabka, gaar ahaan dhallinyarada, ay ku leeyihiin la-xisaabtanka hoggaanka iyo dhismaha hannaan dowladeed oo ku dhisan hufnaan, mas’uuliyad iyo kalsooni bulsho.
Qeybtan 52-aad ee Barnaamijka Barbaarta iyo Nabadda waxaa diyaariyay Warsan Radio iyo BBC News Somali, waxaana maalgelisay Midowga Yurub (EU), iyadoo qayb ka ah dadaallada lagu xoojinayo wacyiga bulshada, nabadda iyo ka-qaybgalka muwaadiniinta.
Dhageyso Barnaamijka Barbaarta iyo Nabadda – Qeybta 52-aad, si aad wax badan uga ogaato muhiimadda isla xisaabtanka hoggaanka kadib doorasho dimuqraaddi ah.
