Ciidamada Ururka 92-aad, Guutada 9-aad, Qaybta 60-aad ee Ciidanka Xoogga Dalka Soomaaliyeed ayaa howlgal qorshaysan ka sameeyay deegaanno hoos yimaada degmada Ceel-Barde ee gobolka Bakool.
Howlgalkan ayaa lagu sheegay in lagu xoojinayo amniga iyo sugidda nabadgelyada shacabka ku nool deegaannada hoos yimaada degmada Ceel-Barde.
Howlgalkan waxaa hoggaaminayay Taliyaha Ururka 92-aad, Guutada 9-aad, Qaybta 60-aad, Dhamme Curdan Kilaas Guraase, oo ay weheliyaan saraakiil ka tirsan ciidanka.
Ciidamada ayaa gaaray deegaannada Banbaar, Dhaba-Riib, Oondheere, Daanshood, Cimiloow iyo Joogaha, halkaas oo ay ka sameeyeen howlgallo lagu xaqiijinayo xaaladda amni iyo dhaqdhaqaaqyada ka jira deegaannadaasi.
Howlgalkan ayaa qayb ka ah dadaallada Ciidanka Xoogga Dalka Soomaaliyeed ay ku xoojinayaan amniga iyo kala dambeynta deegaannada xuduudaha gobolka Bakool.
Masβuuliyiinta amniga ayaan weli faahfaahin dheeraad ah ka bixin natiijada howlgalka iyo haddii ay jiraan dad lagu qabtay ama dhacdooyin kale oo la xiriira howlgalka.
