Baydhabo(WMN)-Dunida horumartay, way fududahay in qofka uu nolol maalmeedkiisa wato isaga oo naafo ah, waayo waxaa jira qalab iyo tasiilaad loogu tala galay oo nolosha u fududeyna.
Si taa ka gedisan, Soomaaliya waxay ka mid tahay meelaha dadka naafada ah ay kala kulmaan caqabado aad u tira badan sida in tasiilaadkii wax lagu baran lahaa ama lagu shaqeyn lahaa oo aanan jirin.
Degmada Baydhabo waxaa ku yaalla laba dugsi keliya oo loogu tala galay in ay wax ku bartaan dadka naafada ah waxaana ay heysan adeegyada waxbarashada oo dhameystiran
Dugsigaasi oo la yiraahdo iskuulka naafada baydhabo waxaa dhigta arday gaaraysa (Boqol) oo isugu jira gabdho iyo wiilal oo ay da’doodu isugu jiraan dad waaweyn iyo carruur yar.
