Waxaa Maalintii Saddexaad oo xiriir ah Guddiga doorashooyinka Heer Federaal ee FIET ay Magaalada Muqdisho ka wadaan Shahaado siinta iyo kaararka Aqoonsiga Xildhibaannada labada Aqal ee Golaha Shacabka.
Guddiga oo Shaqadaan bilaabay labadii Bishaan ayaa waxaa ay Shahaadada Xildhibaannimo iyo kaararka aqoonsiga Guddoonsiiyeen in ka badan 110 Mudane, iyada oo weli ay socoto.
Xildhibaannada labada Aqal ee laga soo doorto degaannada Shanta dowlad Goboleed, Gobolada Waqooyi ee Somaliland iyo Beelaha Banaadiriga ayaa la siinayaa Shahaadada iyo kaararka Aqoonsiga Xildhibaannimo.
Guddiga doorashooyinka Heer Federaal ayaa ugu baaqaya Xildhibaannada ka maqan dalka inay si deg deg ah ugu soo laabtaan, isla markaana ay qaataan Shahaadada Xildhibaannimo.
