Guddiga Hirgelinta doorashooyinka Heer Federaal ayaa Maalintii todobaad waxaa ay Magaalada Muqdisho ka wadaan diiwaangelinta iyo Shahaado siinta Xildhibaannada labada Aqal ee Baarlamaanka Federaalka ah ee Soomaaliya.
Xubnaha ugu horreeyay ee Maanta Shahaadada qaatay ayaa waxaa kamid ah Xildhibaan Cabdiraxmaan Cabdishakuur Warsame ahna musharrax Madaxweyne iyo Xildhibaan Cabdisamad Macalin Maxamuud oo uu dhalay hoggaamiyaha Ahlusunna.
Guddiga ayaa weli kawada Magaalada Muqdisho Shahaado siinta Xildhibaannada labada Aqal ee Baarlamaanka Soomaaliya, iyada oo Maanta Shahaadada la siinayo ilaa iyo dhowr Xildhibaan.
Xildhibaannada degaan doorashadoodu tahay Dowlad Goboleedka Koonfur Galbeed ayaan weli la siin Shahaadaa Xildhibaannimo, iyaga oo ka gadoodsan in Saddex kamid ah kuraasta lagu soo doortay degaannada Maamulkaas ay Guddiga doorashooyinka hakiyeen.
