Munaasabada dahfurka Dhismaha cusub ee wasaaradda waxbarashada hidaha iyo tacliinta sare ee koonfur galbeed waxaa ka soo qeeb galay Madaxweynaha koonfur galbeed mudane Cabdicasiis Xasan Maxamed Laftagareen wasiiru dowlaha Wasaaradda waxbarashada Dowladda Federaal iyo wasiiro xildhibaano ka tirsan koonfur galbeed ardey iyo odiyaal dhaqameed iyo fanaaniin iyo marti sharaf kale.
Madaxweynaha Dowlad Gobaleedka Koonfur Galbeed Mudane Cabdicasiis Xasan Maxamed Laftagareen ayaa maanta xariga ka jaray Wasaaradda Waxbarashada ee Dowlad Gobaleedka Koonfur Galbeed, taas oo dib u dhis lagu sameeyay.
Munaasabadda xarig jarka oo ka dhacday xarunta Wasaaradda ayaa waxaa ka soo qeyb galay Madaxweyanaha Koofur Galbeed, Wasiiru Dowlaha Wasaaradda Waxbarashada Dowlad Federaalka Soomaaliya, qaar ka mid ah Xildhibaannada BFS, Wasiiro & Xildhibaanno ka tirsan KG, Ardey, Bulshada qeybaheeda kale duwan iyo marti sharaf kale.
Dhismaha cusub ee Wasaaradda Waxbarashada ee Dowlad Gobaleedka Koonfur Galbeed oo dhismaheedu soo socday muddo ayaa waxaa laga hirgaliyay Magaalada Baydhabo oo ah Caasimadda Kumeel gaarka ah ee Dowlad Gobaleedka Koonfur Galbeed Soomaaliya.
Wasiiru dowlaha Wasaaradda Waxbarashada Dowladda Federaalka Soomaaliya Nuura Mustaf Guudow oo munaasabadda ka hadashay ayaa ugu horreyn u mahadcelisay Sanduuqa Waxbarashada oo taaba galiyay dhismaha Wasaaradda, iyada oo ka shakeeseesay muhiimadda ay wasaaraddan ugu leedahay Bulshada ku nool deegannada Baay, Bakool iyo Shabeelaha Hoose.
Dhanka kale Waxaa munaasabadda ka hadlay Madaxweynaha Dowlad Gobaleedka koonfur Galbeed Cabdicasiis Xasan Maxamed Laftagareen ayaa uga mahadceliyay cid kasta oo kaalin ka qaadatay hirglinta dhismaha Wasaaradda Waxbarashada, waxa uu sidoo kale dardaaran u jeediyay bahda Waxbarashada sida ay uga qeyb qaadan lahaayeyn saro u qaadista tacliinta.
Dowlad Gobaleedka Koonfur Galbeed Soomaaliya ayaa sanadkaan 10-ka Ardey ee ugu sarreysa Imtaxaanka Wasaaradda Waxbarashada XFS ku lahaatay hal Ardey kaas oo ah Cabdirisaaq Maxamed Cumar Axmed oo galay kaalinta 6aad, isaga oo keenay 91.7%
