Baydhabo-{WMN}- Madaxweynaha Puntland Mudane Siciid Cabdullaahi Deni, ayaa soo saaray Xeer Madaxweyne Lr. 48 ee 31-da Agoosto 2022, kuna saabsan magacaabid Taliyaha Guud iyo Abaanduulaha Ciidanka Daraawiishta Puntland.
Wareegtada uu soo saaray Madaxweyne Deni ayuu ugu magacaabay S/Gaas Abshir Cabdi Jaamac (London) in uu noqdo Taliyaha Guud ee Ciidanka Daraawiishta halka S/Guuto Xuseen Faarax Aadan loo magacaabay Abaanduulaha Ciidanka Daraawiishta.
Wareegatada uu soo saaray Madaxweyne Deni ayaa u qornaa sida tan:
Madaxweynaha Dowladda Caaliyo Boqorada Puntland
Markuu arkay: Dastuurka Dowladda Puntland Qodobkiisa 80-aad.
Markuu arkay: Aqoontooda, kartidooda iyo waayo aragnimadooda Ciidanimo.
Markuu la tashaday: Madaxweyne Ku-xigeenka Dowladda Puntland.
Wuxuu xeeriyey:
1= Waxaa S/Gaas Abshir Cabdi Jaamac (London) loo magacaabay Taliyaha Guud ee Ciidanka Daraawiishta Dowladda Puntland.
2=Waxaa S/Guuto Xuseen Faarax Aadan (Xuseen Dheere) loo magacaabay Abaanduulaha Ciidanka Daraawiishta Dowladda Puntland.
3=Xeerkani wuxuu dhaqan gelayaa markuu Madaxweynuhu saxiixo, wuuna saxiixay.
