Baydhabo-{WMN}- Waxaa maanta abaaro 1:00-dii duhurnimo ku Geeriyooday xaafada Jigjiga yar ee magaalada Hargeysa nin lagu magacaabo Axmed Nuur Sheekh Muumin ka dib markii dab is qabadsiiyay.
Ciidamada Dab-demiska Hargeysa ayaa markii lagu soo wargeliyay, waxay si degdeg ah u gaareen goobtaas, hase yeeshee marxuumka oo kaligii guriga joogay, hoostana Albaabka ka soo xirtay ayaa lagu guuleysan waayey in la badbaadiyo.
Weli ma cadda sababta uu isku gubay, hase yeeshee waxay ehelada marxuumku sheegeen in hayey xanuun xaga maskaxda ah, kana yimi Qurbaha, kaligiina guriga uu ku noola.
Ciidamada Booliska gaar ahaan Qaybaha CID da iyo CTU da ayaa iyaguna goobjoog ahaa, kiiskaasna hadda gacanta ku haya.
Ciidanka Dab-demiska Somaliland ayaa bulshada uga digay in caruurta, dadka waaweyn iyo dadka maskaxda ka jirranba aan lagaga tagin guryaha kaligood
