Baydhabo-{WMN}-Wasiirka Wasaaradda Maaliyadda Xukuumadda Federaalka Soomaaliya ayaa maanta Magaalada Muqdisho ee Caasimadda Soomaaliy ka furay shirka Wasiirrada Maaliyadda Dowlad Goboleedyada Dalka iyo Dowladda Dhexe.
Shirka oo furay Wasiirka Wasaaradda Maaliyadda Xukuumadda Federaalka Soomaaliya Dr Cilmi Maxamuud Nuur ayaa waxaa looga hadli doona dardargalinta Horumarinta Maaliyadda dalka iyo iskaashiga joogtada ah ee Dowladda Federalka iyo Dowladaha Xubnaha ka ah.
Shirkaan oo ay soo qaban qaabisay Wasaaradda Maaliyadda Xukuumadda Federaalka Soomaaliya ayaa ka dambeeyay kadib markii todobaadkii hore Wasaaradda Maaliyadda Dowlad Goboleedayada ay ku dhawaaqeen in ay xiriirka u jareen la Shaqeynta Wasaaradda Maaliyadda Soomaaliya.
Sidoo kale kulanka Wasaaradda Maaliyadda XFS iyo Wasaaradaha Maamul Gobaleedyada Dalka ayaa la filayaa in ay ka wada hadlaan sidii loo maareyn lahaa deeq ka timid Baankiga Adduunka oo dhan 100 Milyan taas oo muran ka dhashay sidii loo wada qeyb san lahaa.
Gunaanadka Shirka Wasiirka Maaliyadda Xukuumadda Federaalka Soomaaliya iyo Wasiirrada Dowladaha xubnaha ka ah Dowladda Federaalka Soomaaliya ayaa lagu wadaa in laga soo saaro warmurtiyeed daaran qodobadii lagu heshiiyay inta uu socday Shirka.
