Baydhabo-{WMN}-Tababaraha kooxda Chelsea ee Graham Potter ayay wararku sheegayaan inuu haysto magacyo saddex weeraryahan ah oo uu ka horreysiinayo saxeexa weeraryahanka Manchester United ee Cristiano Ronaldo.
Wargeyska Football London ayaa sheegaya in wali mulkiilaha cusub ee Chelsea ee Todd Boehly uusan ka tanaasulin aragtida ah inuu Ronaldo keeno Stamford Bridge isla markaana xiisaynayo inuu January saxeexiisa u dhaqaaqo.
Si kastaba, saxafi Ben Jacobs ayaa sheegaya in Potter si lamid ah sidii Thomas Tuchel saxeexyo kale doorbidayo isagoo ka horreysiinaya weeraryahanada AC Milan, Brentford iyo Lille ee Rafael Leao, Ivan Toney iyo Jonathan David.
Dhammaan saddexda dhaliye ee uu Graham ka doorbidayo Ronaldo ayaa ka goolal badan kabtanka Portugal xilli ciyaareedkan. Ugu horreynba mustaqbalka Leao ee AC Milan ayaa ah mid aan meel lagu hubin iyadoo warar cusubi sheegayaan in xiddigaasi diiday heshiis kordhin.
Sidoo kale Jonathan David ayaa markale xiiso badan helaya kaddib 9 gool oo horyaalka Ligue 1 ah oo uu kusoo dhaliyay 11 kulan oo uu Lille u ciyaaray.
Rabitaanka Boehly ee saxeexa Ronaldo ayaan kaliya ahayn mid ciyaareed balse sidoo kale imaanshaha 37 sano jirkaas ee Stamford Bridge ayaa ah mid waji cusub u yeeli lahaa gabi ahaanba Blues.
