Ruushka oo baajiyey kulan ay la yeelan lahaayeen Maraykanka oo ku saabsanaa heshiiska Nukliyeerka ee labada dal written by Warsan Radio 29/11/2022 Wasaaradda Arrimaha Debedda ee Maraykanka ayaa sheegtay in Ruushku uu dib u dhigay wada-hadalladii hubka nukliyeerka ee la filayey inuu la yeesho dalka Maraykanka, kuwaas oo la qorsheeyey inay ka dhacaan magaalada Qaahira ee dalka Masar. Maraykanka iyo Ruushka toonni wax faahfaahina kama bixinin sababta keentay dib u dhigista.Waxaa hore loo qorsheeyey in masuuliyiin ka kala socota Ruushka iyo Maraykanku inay ku kulmaan dalka Masar, inta u dhexeysa 29-ka bishan November illaa 6-da bisha December, si ay uga wada xaajoodaan in dib loo soo celiyo heshiiskii kormeerka iyo yaraynta hubka nukliyeerka ee ay wada galeen Maraykanka iyo Ruushku sannadkii 2011, kaas oo lagu magcaabo the New START, heshiiskan ayaa hakad galay bishii March ee sannadkii 2020, xilligii uu bilaabmay xanuunka COVID 19.“Ruushku wuxuu ku wargeliyey Maraykanka inay si iskood ah dib ugu dhigeen kulanka loo ballansanaa, iyaga oo sheegay inay soo sheegi doonaan taariikh cusub oo ay labada dhinac wada kulmi karaan” ayuu yidhi afhayeen u hadlay wasaaradda arrimaha debedda ee Maraykanka.Afhayeenka u hadlay dawladda Maraykanka ayaa sheegay inaanu bixin karin faahfaahin intaas ka badan, hase ahaatee wuxuu intaas sii raaciyey in Washington ay diyaar u tahay in labada dhinac ay kulmaan xilliga ugu horreeya ee ugu macquulsan, si loo soo celiyo korjoogtayntii hubka nukliyeerka, taas oo xuddun u ahayd heshiiska labada dhinac ay wada gaadheen.Heshiiska lagu magcaabo the New START ayaa dhaqan galay sannadkii 2011, waxaana ujeedadiisa ugu weyni ay tahay, in Ruushka iyo Maraykanku ay ka wada shaqeeyaan hoos u dhigista tirada hubka nukliyeerka iyo korjoogtayntiisaba, iyo weliba xaddidista tirade madaxyada hubka nukliyeerka ee labada dal ay daabuli karaan, iwm Ruushka oo baajiyey kulan ay la yeelan lahaayeen Maraykanka oo ku saabsanaa heshiiska Nukliyeerka ee labada dal was last modified: November 29th, 2022 by Warsan Radio 0 comment 0 Facebook Twitter Google + Pinterest previous post Talibanta Pakistan oo ku dhawaaqay weeraro ka dhan xukuumadda Pakistan next post Dhageyso:-Warka Subax ee Idaacada Warsan You may also like Dhageyso: Warka Fiidnimo ee Idaacada warsan 22/12/2022 Dhageyso;-Gudoomiyaha Guud ee ganacsatada kgs iyo ku xigenkiisa oo ku Xiran Boosaasa 27/06/2019 DHAGEEYSO:-Doorashada Aqalka Hoose oo ka socota magaalada baydhabo Baydhabo. 23/11/2016 Dhageyso:-Barnaamijka Kulanka Warsan 24/03/2022 Dad ku Geeriyooday Fatahaadaha uu sameeyay Wabiga Shabeelle 15/11/2023 Dhageyso:-Barnaamija Daadijin Qeybta 2 aad 20/09/2021 Madaxweyne Xasan Sheekh oo Galmudug & Jubbaland kala hadlay waxka qabashada dhibaatooyinka kajira degaannadooda 24/05/2022 Cali Guudlaawe oo sameeyey xilal ka qaadis iyo magacaabis 11/10/2021 Xamaas oo Dagaal ku leysay Ciidamo ka tirsan kuwa Khaaska ah ee Maraykanka 28/10/2023 DHAGEEYSO:-WARKA HABEEN EE IDAACADA WARSAN 11/10/2017 Fariintada Nogu soo dir E-mail Adres warsanradiobidoa@gmail.com warsannews@yahoo.com Leave a Comment Cancel Reply Save my name, email, and website in this browser for the next time I comment.