![](https://warsanradio.com/wp-content/uploads/2024/05/1-1-1024x962.jpg)
Dhawaan waxaa xal laga gaaray qalalaaso ka jirtay degmada Berdaalle ee gobolka Baay oo salka ku hayeen dhacyo iyo isbaarooyin la dhigtay wadooyinka soo gala degmadaasi kuwaasi oo gaadiidka looga qaadi jiray canshuuro lagu tilmaamay kuwo sharci daro ah taasi oo ugu dambeyn maamulada degmooyinka iyo gobolka Baay iyo mas’uuli ka tirsan maamulka koonfur galbeed soomaaliya ku gulesyteen in ay xal gka garaan.
Taliska qeybta Booliska gobolka Baay ayaa shalay waxaa uu soo saaray amaro ku aadan in la diiwaan galiyo hubka sida sharci darada ah loogu heysto degmada Berdaalle si loo ogaado tirade iyo shaqsiyaadka heysta hubkaasi.
Hay’adaha aan dowliga aheyn iyo shaqsiyaadka heysta hubka ayaa loogu baaqay in ay isla soo diiwaan galiyaan taliska degmada Booliska taasi oo loogu dan leeyahay in la ogaado tirade iyo shaqsiyaadka magaalada ku hesyta hubka.
Taliyaha qeybta Booliska gobolka Baay G/sare Amiin Maxamed Cusmaan oo saraf shaqo ah ku jooga degmada Berdaalle oo shir jaraa’id ku qabtay degmada ayaa sheegey ciddii qaadan weyso amarkaani oo isku soo diiwaan galin waayo laamaha amniga degmada Berdaalle in hubkiisa ay la wareegi doonto dowlad goboleedka koonfur galbeed soomaaliya.
Muhiimaadda ayaa taliyaha ku sheegey in ay tahay in la ogaado shaqsiyaadda hubka ku heysto degmada Berdaalle si aan haddii wax ka dhacaan degmada loogu qabsan iyo in shaqsiyaad kale hubkaasi u gu adeegsan qof kale.