Madaxweynaha Dowladd Federaalka Soomaaliya, Xasan Shiikh Maxamuud, ayaa kulan la yeeshay Ku-xigeenka Wasiirka Arrimaha Dibadda ee Federaalka Ruushka ahna Wakiilka Gaarka ah ee Madaxweynaha dalkaasi ee Arrimaha Bariga Dhexe iyo Afrika, Mikhail L. Bogdanov.
Kulanka ayaa diiradda lagu saaray xoojinta xiriirka Soomaaliya iyo Ruushka, iyadoo labada dhinac ay ka wadahadleen fursadaha iskaashi ee la xoojin karo.
Sidoo kale, Bogdanov ayaa Madaxweyne Xasan Sheekh u gudbiyay casuumaad rasmi ah oo uga timid Madaxweynaha Ruushka, Vladimir Putin, taasoo ku saabsan ka-qaybgalka Shirka soo socda ee Madaxda Ruushka iyo Ururka Jaamacadda Carabta.
Dowladaha Soomaaliya iyo Ruushka ayaa ku dadaalaya sidii ay u xoojin lahaayeen xiriirkooda diblumaasiyadeed.
