Ciidanka Xooga Dalka, gaar ahaan Guutada 9-aad ee qeybta 60-aad, ayaa howlgal qorshaysan ka fuliyey deegaannada Moore, Hagar, Abal, iyo Madooda, kuwaasoo 25 km dhanka Koonfur bari kaga beegan magaalada Xudur ee xarunta gobolka Bakool.
Saraakiisha ciidanka ayaa sheegay in ay gudaha u galeenka deegaanka Moore-Hagar, halkaasi oo ay isaga baxeen AS.
Sidoo kale, saraakiisha ayaa tilmaamay in xubno ka tirsan AS ay ku dileen howlgalka ay sameeyeen ciidanka xoogga dalka.
Taliyaha Ururka 93-aad, Guutadda 9-aad Dhamme Maxamed Nuur Tare, ayaa sheegay in ay sii wadi doonaan howlgallada ka dhanka ah AS si loo xaqiijiyo amniga degaanada iyo degmooyinka gobolka Bakool.
Maalmihii la soo dhaafay ciidamada dowladda ayaa howlgallo ka wada deegaannada dalka gaar ahaan dowlad goboleedyada Koofur Galbeed, Galmudug iyo Hirshabeelle.
