Waxaa Xalay Magalaada Muqdisho ka da’day roob ma hiigaan ahaa, oo daad watay kaas oo keenay in ay ka dhalato dhibaato naf iyo maal leh.
Roobka ayaa waxaa uu dhibaato u geystay qoysas badan, oo qaarkood ku dumay guryahooda,kuwaas oo meelo hoose ku yaalay, daadka u galay halka guryaha qaar ay xalay oo dhan biyo dhaamin ku jireen.
Wararka waxaa ay intaasi ku darayaan in barakacayaasha ay sidoo kale soo wajahday dhibaato adag, taasi oo ka xanuun badan dadka ku nool xaafadaha Muqdisho
Wadooyin badan oo halbowlo ah ayaa burbur xoogan gaaray, waxaana ka mid ah Isgoosyada Soobe iyo Banaadir iyo wadooyin kale.
Sidoo kale Biyo badan ayaa dhex yaala qaar ka mid ah laamiyada Muqdisho, dadka shacabka ah ayaa waxaa ku adag in ay maraan laamiyada ay biyaha fadhiyaan.
Garoonka diyaaradaha Aadan Cadde ayaa ka mid ah meelaha ay biyaha dhex fadhiyaan, taasi oo sameyn ku yeelatay shaqada garoonka.
Inta la ogyahay labo qof ayaa ku geeriyootay roobkii xalay ka da’ay magaalada Muqdisho, waxaana dadkan ay daadadka biyaha ay ugu galeen gurigooda oo ku yaala Xaafadda Iskuul Buluusiya ee degmada Xamar Jab jab ee Gobolka Banaadir.
Guddoomiye ku xigeenka amniga iyo Siyaasada Gobolka Banaadir Yabooh ayaa sheegay in guryo badan ay dumeen, islamarkaana waraha ay biyo buux dhaafiyeen.
