Guddoomiyaha degmada Bardaale Caracas ayaa soo saaray awaamiir lagu xakameynayo dhaq-dhaqaaqa gaadiidka iyo mootooyinka Feekonta ee xilliyada dambe ee habeenkii gudaha magaalada.
Guddoomiyaha ayaa faray ciidamada ammaanka inay si gaar ah ula socdaan gaadiidka iyo mootooyinka xilliyada habeenkii, iyadoo tallaabadan lagu sheegay mid lagu xoojinayo amniga iyo kala dambeynta degmada.
Sidoo kale, Guddoomiyaha ayaa ku amray laamaha ammaanka in la soo qabto dadka lagu tuhmo falalka amni-darrada ah iyo kuwa barbaganka ka wada gudaha magaalada, si looga hortago falal waxyeello u geysan kara shacabka iyo amniga degmada.
Awaamiirtan ayaa ku soo beegmaya xilli maamulka degmada uu xooga saarayo sugidda amniga, gaar ahaan saacadaha dambe ee habeenkii, waxaana shacabka loogu baaqay inay la shaqeeyaan ciidamada ammaanka, ayna soo gudbiyaan xog kasta oo la xiriirta dhaq-dhaqaaqyada laga shakiyo.
Maamulka Bardaale ayaa sheegay in tallaabooyinka lagu xakameynayo dhaq-dhaqaaqa habeenkii ay qeyb ka yihiin dadaallada lagu xaqiijinayo amni iyo xasillooni ay bulshada si nabad ah ugu noolaato.
Gujji linkiga open Halkaa ka daawo:
https://x.com/i/status/2089820827327807648
