Mas’uuliyiin ka socotay Wasaaradda Tamarta iyo Kheyraadka Biyaha ee koonfur galbeed soomaaliya ayaa ka qeybgalay munaasabad lagu wareejinayay ceelal si wanaagsan loo qalabeeyay oo laga hirgeliyay Xerada Barakacayaasha ADC ee magaalada Baydhabo.
Ceelashan oo ay hirgelisay Hay’adda World Vision, iyadoo kaashanaysa Wasaaradda, ayaa isugu jira ceelal ku shaqeeya tamarta cadceedda, haamo kaydinta biyaha iyo goobo biyaha laga dhaansado, kuwaas oo bulshada u fududeynaya helitaanka biyo nadiif ah oo la isku halleyn karo.
Munaasabadda ayaa xoogga lagu saaray ilaalinta, maamul-wanaagga iyo waaritaanka adeegyada biyaha, si bulshada deegaanka ay uga faa’iideysato muddo dheer.
Wasaaradda Tamarta iyo Kheyraadka Biyaha ayaa bogaadisay dadaalka World Vision iyo wada-shaqeynta bah-wadaagta ka qeybqaadanaya horumarinta adeegyada biyaha ee bulshada.
