Wasiiru-dowlaha Wasaaradda Waxbarashada, Hiddaha iyo Tacliinta Sare ee Soomaaliya, Marwo Nura Mustaf Mukhtar, ayaa adkeysay muhiimadda ay waxbarashada gabdhuhu u leedahay horumarka bulshada Soomaaliyeed.
Wasiiru-dowlaha ayaa sheegtay in Mashruuca Rajo Kaaba uu ballaarinayo fursadaha ay gabdhaha iyo haweenka Soomaaliyeed ku heli karaan waxbarasho, gaar ahaan dhinacyada akhris-qoraalka, horumarinta hoggaaminta iyo waxbarashada sare.
“Marka gabar la wax baro, bulsho dhan ayaa wax baratay,” ayay tiri Wasiiru-dowlaha, iyadoo tilmaantay in maalgelinta waxbarashada gabdhaha ay muhiim u tahay dhismaha jiil aqoon leh iyo bulsho horumar gaarta.
Mashruuca Rajo Kaaba ayaa diiradda saaraya in gabdhaha iyo haweenka Soomaaliyeed loo abuuro fursado waxbarasho iyo hoggaamineed oo ka caawinaya inay si firfircoon uga qayb qaataan horumarka dalka.
Hoos ka daawo Haldalka Marwa Nuura
