Wasiiru-dowlaha Wasaaradda Waxbarashada, Hiddaha iyo Tacliinta Sare ee Soomaaliya, Marwo Nuura Mustaf Muqtaar, ayaa sheegtay in cilmi-baaristu ay door weyn oo muuqda ka qaadatay horumarka iyo tayada waxbarashada dalka.
Marwo Nuura Mustaf Muqtaar ayaa tilmaantay in cilmi-baaristu ay muhiim u tahay fahamka caqabadaha ka jira dhinaca waxbarashada, iyo in natiijooyinka cilmi-baarista loo adeegsado horumarinta siyaasadaha, manhajyada iyo hababka waxbaridda.
Waxay sidoo kale xustay in la xoojiyo dhaqanka cilmi-baarista iyo in la taageero aqoonyahannada iyo hay’adaha waxbarashada, si loo helo xog iyo daraasado gacan ka geysta go’aan-qaadashada iyo horumarinta nidaamka waxbarashada Soomaaliya.
Hadalkan ayaa ku soo beegmaya xilli Soomaaliya ay waddo dadaallo lagu horumarinayo tayada waxbarashada, tayada macallimiinta iyo helitaanka waxbarasho tayo leh oo gaarta bulshada Soomaaliyeed.
Halkan hoose ka daawo hadalka wasiirad Nuura
