Shacabka Brazil ayaa u dareeraya doorashada madaxtinimada, iyadoo madaxweynaha xilka haya Luiz Inácio Lula da Silva uu mar kale u tartamayo xilka, isagoo ka socda Xisbiga Shaqaalaha (PT).
Lula, oo hore Brazil u soo hoggaamiyay laba xilli, ayaa ololihiisa ku saleynaya arrimo ay ka mid yihiin kobcinta dhaqaalaha, shaqo abuurka, barnaamijyada bulshada, caafimaadka, waxbarashada iyo ilaalinta deegaanka.
Doorashada ayaa ku soo beegmaysa xilli Brazil ay wajahdo dood siyaasadeed oo xooggan oo ku saabsan dhaqaalaha, amniga, qiimaha nolosha iyo jihada siyaasadda dalka.Waxaa sidoo kale tartanka ku jira Flávio Bolsonaro, oo ah wiilka madaxweynihii hore Jair Bolsonaro, kana tirsan Xisbiga Liberal-ka (PL).
Tartanka ayaa sidaas darteed noqonaya mid ay ku loollamayaan laba dhinac oo siyaasadeed oo aragtiyo kala duwan ka qaba mustaqbalka Brazil.
Haddii musharrax uusan wareegga koowaad ku helin in ka badan 50% codadka saxda ah, labada musharrax ee ugu codadka badan ayaa u gudbaya wareegga labaad ee la qorsheeyay 25-ka Oktoobar 2026.
