Hoos ka Dhageyso: Barnaamijka Dhalanyarada Idaacada Warsan, todobaadkaan Barnaamijka Waxaa Marti ku ah Abdikafi Abdirashiid Ali iyo Abdullahi Aden Abdi oo ah dhalanyara qeyb ka ah Wacyigelinta Ololaha Talaalka oo ay qabato Wazaarada Caafimaadka.
Maxkamadda Gobolka Banaadir ayaa Maanta oo Isniin ah waxaa la horkeenay Saddex mas’uul oo katirsan Wasaaradda Maaliyadda Xukuumadda Soomaaliya, kuwaas oo loo heysto inay sameeyeen musuq maasuq iyo xatooyo Xoolo Dadweyne.
Saddex Xubnood oo katirsan Wasaaradda Maaliyadda iyo Bangiga Dhexe ayaa kasoo muuqday Maxkamadda, kuwaas oo kala ah Cabduqaadir Cabdi Socdaal oo ka tirsan Bankiga Dhaxe kana Shaqeeya Garoonka diyaaradaha Aadan Cadde, Abuukar Maxamed Cali maamulahii xafiiska Canshuuraha Bariga wasaaradda maaliyadda ee garoonka Aadan Cadde & Maxamed Aadan Cabdullaahi Maamulahii Bankiga Dhaxe laanta garoonka Aadan Cadde.
Guddoomiyaha Maxkamadda Gobolka Banaadir Saalax Cali Maxamuud ( Dabaan oo soo bandhigay Eedaha loo heysto mas’uuliyiintaan ayaa mid mid u weydiiyay, iyaga oo kaga jawaabayay, wuxuuna soo bandhigay magacyada Mas’uuliyiinta iyo Goobaha ay ku xiran yihiin.
Dhawaan ayay aheyd markii sidaan oo kale Maxkamadda Gobolka Banaadir la horkeenay Afar Xubnood oo katirsan Hay’adda Socdaalka iyo Jinsiyadaha, kuwaas oo loo heysto inay ku kaceen falal la xiriira musuq maasuq
Ra’iisul Wasaaraha Xukuumadda Federaalka Soomaaliya Mudane Xamsa Cabdi Barre iyo wafdi uu hoggaaminayo ayaa u ambaxay, dalka Tanzania oo uu uga qaybgalayo shir madaxeed muhiim ah.
Shirka ayaa looga hadlayaa ahmiyadda ay qaaradda Afrika u leedahay taabbagelinta awoodda dadweynaha, si ay uga qaybqaataan horumarka qaaraddu hiigsaneyso.
War kasoo baxay Xafiiska Ra’iisul Wasaaraha ayaa lagu sheegay in Shirkaan mudnaan gaar ah u leeyahay Xukuumadda, kaas oo ku aadden horumarinta bulshada, waxaana la filayaa in ay ka soo baxaan go’aamo dhaxalgal ah.
Ra’iisul Wasaaraha Soomaaliya ayaa la filayaa in uu kulamo gaar gaar ah la qaato Madaxda ka qeyb galeysa Shirka, isaga oo kala hadli doono arrimo ku saabsan Soomaaliya.
Faah faahino dheeraad ah ayaa waxaa ay kasoo baxayaan qarax Ismiidaamin ah oo ka dhacay Xerada Ciidamada Kuliyadda Jaalle Siyaad ee ku taalla Wadada Warshadaha ee Magaalada muqdisho, kaas oo geystay khasaaro isugu jira dhimasho iyo dhaawac
Wararka aan helnay ayaa sheegaya in Nin isku soo xiray waxyaabaha qaraxa uu isku qarxiyay ciidamo isku dhaf ah oo lagu xareenayay xerada ciidamada ku xareesan yihiin ee Kuliyaddii hore ee Jaalle Siyaad si ay uga mid noqdaan Ciidamada dowladda Soomaaliya.
Waxaa jira khasaaro isugu jira dhimasho iyo dhaawac ah oo ka dhashay qaraxa, kaas oo gaaray qaar kamid ah ciidamadii Xerada lagu xareeynayay iyo dad Shacab ah, waxaana Goobta gaaray Ciidamo katirsan dowladda, kuwaas oo xiray dhammaan waddooyinka gala Xerada.
Madaxweyne ku-xigeenka koowaad ee Dowlad Goboleedka Jubbaland Maxamuud Sayid Aadan ayaa kulan is-xog wareysi ah la qaatay qaybaha kala duwan ee bulshada ku nool degmada Doolow ee Gobolka Gedo.
Kulanka ayaa waxaa goobjoog ahaa xubno ka tirsan Golaha Wasiirada iyo Golaha Wakiilada Jubbaland, Maamulka Gobolka Gado iyo Kan degmada Doolow, waxaana diirada lagu saaray sidii loo xoojin lahaa wadashaqeynta Madaxda sare ee Jubbaland, Maamulada degmooyinka Gobolka Gedo iyo qeybaha kala duwan ee Bulshada Gobolkaas.
Mas’uuliyiintii kala duwanaa e ka qeyb galay kulanka iyo qeybaha kale ee bulshada Gobolka Gedo ayaa kulanka isku dhaafsaday aragtiyo kala duwan oo ku saabsanaa sidii ay u miradhali lahaayeen hagaajinta xiriirka Madaxda Jubbaland iyo Madaxda Gobolka Gedo.
Madaxweyne Ku-xigeenka Koowaad ee dowlad Goboleedka Jubbaland Maxamud Sayid Aadan ayaaka dalbaday Shacabka Gobolka Gedo inay kula xisaabtaan Madaxda Jubbaland xaquuqda ay ku leeyihiin, isla markaana iyaga ay leeyihiin awood buuxda.
Madaxweyne Ku-xigeenka Koowaad ee dowlad Goboleedka Jubbaland Maxamud Sayid Aadan ayaa shir Gudoomiyay Shirka Amniga Degmada Doolow ee Gobolka Gedo, kaas oo ay Goob Joog ka ahaayeen Xubno ka Tirsan Golaha Wasiirada Jubbaland, Maamulka Gobolka Gedo, kan Degmada Doolow,Taliyayaasha Ciidamada Militiriga, Nabad sugidda iyo Boliska ee Gobolka Gado.
Shirka ayaa inta badan Looga Hadlayay Ka qayb Qaadashada Wajiga Labaad ee la DagaalKA ka dhanka ah Al-Shabaab, iyada oo intii uu kulanku socday hoosta laga xarriiqay sida ay lagama maarmaanka u tahay in shacabka iyo ciidanka Gobolka Gedo ay ka qayb qaataan la dagaalanka Al-Shabaab
Madaxweynaha Jamhuuriyadda Federaalka Soomaaliya Xasan Sheekh Maxamuud iyo wafdi uu hoggaaminayo ooh shalay ka baxay Magaalada Muqdisho ayaa gaaray dalka Talyaaniga si uu uga qeyb-gelo Shirar heer caalami ah iyo kuwo heer gobol ah oo ka dhacaya magaalada Roma.
Wafdiga Madaxweynaha ayaa waxaa Faroonka diyaaradaha Magaalada Roma kusoo dhaweeyay mas’uuliyiin katirsan dowladda Talyaaniga, iyada oo intaasi kadib la geeyay Goobo loo diyaariyay si ay u degaan.
Agaasimaha Xafiiska Warfaafinta & Xiriirka Warbaahinta, Madaxtooyada Federaalka Soomaaliya Cabdiqaadir Cali Dige ayaa Warbaahinta u faah faahiyay shirarka uu Madaxweyne Xasan sheikh uga qyeb galayo dalka Talyaaniga, wuxuuna sheegay in shirkaasi uu qeyb ka yahay mid looga hadlayo cunto yarida.
Sidoo kale Madaxweynaha Soomaaliya ayaa inta uu ku sugan yahay dalka Talyaaniga waxaa uu shirar gaar gaar ah la qaadan doonaa madaxda kasoo qeyb galeysa Shirka looga hadlayo cunto yarida kajirta Caalamka, isaga oo kaa hadli doona arrimo ku saabsan Soomaaliya.
Iska hor’imaadyo ayaa laga soo weriyay qaybo kamid ah dalka Suudaan oo dagaalka ka socda uu galay maalintisii boqolaad. Waxa guul dareystay dhammaan dadaalladii gobolka iyo kuwii caalamiga ahaa ee lagu doonayay in lagu joojiyo dagaalka.
Dagaalka Suudaan ayaa qarxay 15 kii April ee sanadkan, markaasoo ay fooda is dareen ciidmada milatariga ee wadankaasi iyo ciidanka gurmadka degdeg ah ee RSF.
Dagaalka ayaa sal kiciyay sedex milyan oo qof, kuwaas oo todobo boqol oo kun oo qof oo kamid ah ay u qaxeen wadamada dariska ah.
Boqolkaas maalmood 1,136 qof ayaa dagaalka ku dhintay sida ay sheegtay Wasaaradda Caafimaadka, in kastoo la rumeysan yahay in tiradu intaa aad uga badan tahay.
Labada dhinac ee isku herdinaya Suudaan midkoodna guul muuqata kama gaarin dagaalka.
Baydhabo-{WMN}-Barnaamijka Kulanka Warsan waxaad Caawa kaga boganidoontaan Wareeysiyo aad xasaasi u ah, khudbadiha shirarkii maanta Madaxda Somaliya ay ku qabteen Dalka iyo dibadiisa. waxaa Caawa soo saarey soona jeedinaaya Wariye Yuusuf Sheikh Aden (Qalinle} Dhageysi wanaagsan.
Hoos ka Dhageyso: Barnaamijka Waxbarashada Idaacda Warsan oo idin soo diyaariyay Mohamuur Nuunoow Mohamed.
Baydhabo-{WMN}-Barnaamijka Kulanka Warsan waxaad Caawa kaga boganidoontaan Wareeysiyo aad xasaasi u ah, khudbadiha shirarkii maanta Madaxda Somaliya ay ku qabteen Dalka iyo dibadiisa. waxaa Caawa soo saarey soona jeedinaaya Wariye Yuusuf Sheikh Aden (Qalinle} Dhageysi wanaagsan.