Hoos ka Dhageyso: Barnaamijka Caafimaadka ee Idaacada warsan oo idin soo jeedinaayo Wariye Mohamuud Nuunoow Mohamed.
Hoos ka dhageyso Warka Fiidnimo ee Idaacada Warsan oo idin soo jeedinayo Yaxye Hiilsan.
Madaxweynaha Uganda, Yoweri Museveni, ayaa shaaca ka qaaday in labo taliye oo katirsan ciidamada Uganda ee qeybta ka ah howlgalka ATMIS la horgeyn doono Maxkamadda Ciidamada Qalabka sida ee Soomaaliya.
Labadan taliye oo magacyadooda lagu sheegay Maj Oluka iyo Maj Obbo, ayuu madaxweynaha Uganda sheegay, inay ku amreen askarta inay dib u gurtaan weerarkii 26-kii May ay Alshabaab ku qaadeen saldhigga howlgalka ATMIS ee degaanka Buulo Mareer ee Shabeellaha Hoose.
“Waa la soo qabtay, waxayna wajihi doonaan eedeymaha maxkamadda ciidamada qalabka sida. Askarteenu waxay muujiyeen adkeysi cajiib ah, dib ayayna isu abaabuleen, taasoo keentay in dib loo qabsado saldhiga,” ayuu Mr Museveni ku yiri hadal uu ku soo qoray bartiisa Twitter-ka.Dhinaca kale, Madaxweynaha dalka Uganda ayaa ku dhawaaqay in 54 askari looga dilay weerarka Al-Shabaab ay ku qaadeen saldhigga ciidamada ATMIS ay ku lahaayeen degaanka Buulo Mareer.Madaxweyne Musaveni ayaa todobaadkii hore sheegay inay jiraan khasaarooyin kasoo gaaray ciidamada Uganda weerarkaas, balse ma uusan bixin faah faahin dheeri ah oo ku saabsan tirada askarta weerarka lagu dilay.Museveni ayaa hadal uu horay u jeediyay ku sheegay in ciidamada Uganda aysan sidii la rabay u soo bandhigin awooddooda ciidan, taasoo keentay inay Al-shabaab qabsadaan saldhigga, halkaasna ay askar badan ku laayeen.Al Shabaab ayaa horey u sheegtay inay dileen 137 askari oo Uganda u dhashay, isla markaana ay qabsadeen gaadiid, hub iyo saanad kale oo ku yaalay saldhigga.
Waxaa Maanta Magaalada Laas-Caanood ee Xarunta Gobolka Sool lagu soo dhaweeyay taliye kuxigeenkii Ciidanka Somaliland Janeraal Saleemaan Barre Geesood, kaas oo u soo goostay dhinaca Ciidamada xoogagga degaanka ee SSC.
Sarkaalkan iyo Ciidamo uu wato ayaa waxaa Magaalada Laas-Caanood kusoo dhaweeyay saraakiil katirsan xoogaga SSC, kuwaas oo qeyb ka ah dagaallada ka socda duleedka Magaalada Janeraal Saleebaan Barre Geesood, ku-xigeenkii Taliyaha Malliteriga Somaliland ayaa sheegay dhankiisa inay ku biiri doonaan, isaga iyo Ciidamada uu wato dagaalka looga soo horjeedo Somaliland.Tan iyo markii uu billaawday dagaalka Laas-Caanood ayaa waxaa Ciidamada Somaliland kasoo goostay oo dhimaca xoogagga SSC u wareegay Saraakiil iyo Ciidamo farabadan oo ka tirsanaa kuwa Somaliland.
Hoos ka dhageyso Warka Galabnimo ee Idaacada Warsan oo idin soo jeedinayso Muna hussen.
Guddoomiyaha Golaha Shacabka Baarlamaanka Jamhuuriyadda Federaalka Soomaaliya Sheekh Aadan Maxamed Nuur (Madoobe) iyo wafdi uu hoggaaminaayo oo gaaray magaalada Riyaad ee caasimada Boqortooyadda Sacuudi Carabiya.
Guddoomiyaha ayaa waxaa garoonka diyaaradaha Riyaad ku soo dhaweeyay Madax ka socotay Baarlamaanka Sacuudiga, Sii-hayaha Safaarada Soomaaliya ee Sacuudiga iyo saraakiil ka tirsan safaarada.Guddoomiye Sheekh Aadan Madoobe oo booqasho rasmi ah Ku tagay Boqortooyadda Sacuudiga ayaa kulamo miradhal ah la qaadan doona dhigiisa dalkaas Dr Cabdullaahi bin Maxamed bin Ibraahim Aala Sheekh, iyaga oo wada hadalladooda diirada ku saari doona wadashaqeynta labada Baarlamaan ee Soomaaliya iyo Sacuudiga.
Wararka naga soo gaaraya degaanka War-idaad oo katirsan degaannada Somaliland ayaa sheegaya in halkaasi uu ka dhacay Shil Gaari oo geystay khasaaro isugu jira dhimasho iyo dhaawac.
Shilka ayaa waxaa uu yimid kadib markii ay isku dhaceen laba Gaari oo nooca xamuulka qaado ah, waxaana inta la xaqiijiyay geeriyooday laba Ruux halka Afar kale ay dhaawacmeen.
Goobjoogayaal ayaa Warbaahinta u sheegay in goobta ay gaareen Ciidamo katirsan kuwa ilaalada waddooyinka Somaliland ee taraafikada, iyaga oo goobta ka qaaday Afarta dhaawaca ah si ay Isbitaal u geeyaan.
Sanad kasta shilal dad badan ay ku dhintaan ayaa ka dhaca degaannada Somaliland, waxaana taliska Booliska Somaliland ay sheegeen inay ugu wacan tahay darawalada oo si xowli ah ku wada Gawaarida.
Hoos ka Dhageyso: Barnaamijka Bandhiga ee Idaacada Warsan oo idin soo jeedinaayo Yahye Hiilsan.
Hoos ka dhageyso Warka Duhurnimo ee Idaacada Warsan oo idin soo jeedinaayo Yuusuf Sheikh Aden.
Baydhabo-{WMN}-Barnaamijka Kulanka Warsan waxaad Caawa kaga boganidoontaan Wareeysiyo aad xasaasi u ah, khudbadiha shirarkii maanta Madaxda Somaliya ay ku qabteen Dalka iyo dibadiisa. waxaa Caawa soo saarey soona jeedinaaya Wariye Yuusuf Sheikh Aden (Qalinle} Dhageysi wanaagsan.