Hoos ka Dhageyso: Warka Duhurnimo ee Idaacada Warsan Tabiye Yuusuf Sheikh Aden.
Faah faahino dheeraad ah ayaa waxaa ay kasoo baxayaan qaraxyo ismiidaamin ahaa oo lagu weeraray Saldhigga Ciidamada Itoobiya oo kamid ah howlgalka ATMIS ku leeyihiin Xerada Kabaaso ee degmada Dolow ee Gobolka Gedo, waxaana ka dhashay khasaaro isugu jira dhimasho iyo dhaawac.
Ilaa laba qarax oo loo adeegsaday Gawaari laga soo buuxiyay waxyaabaha qaraxa ayaa la sheegay in lagu dhuftay irida xerada iyo dhabarka dambe waxaana jiro khasaaro xoogan oo ka dhashay weerarka .
Goobjoogayaal ay aa sheegay in qaraxyada kadib ay Uuro xoogan ay cirka isku shareertay, taas oo siweyn looga dareemaya degmada Doolow iyo degaannada ku dhow dhow.
Xaalada magaalada Dolow ayaa kacsan, waxaana ilo dhanka ammaanka ah ay sheegeen in ay socdaan baaritaano la xiriira khasaaraha ka dhashay qaraxyada, waxaana suxid mudan in Ciidamada Itoobiya ay xirteen waddooyinka soo gala iyo kuwa ka baxa xerada la weeraray.
Dadka kunool Magaalada Doolow ayaa sheegay in inay dareemeen cabsi xoogan kadib markii ay maqleen qaraxyada, wallow xerada la weeraray ay ku taallo duleedka magaalada, iyada oo isku socodka dadka, gaadiidka iyo ganacsiga ee Magaalada dooloow ay yihiin kuwo caadi ah.
Qaraxyadaan Maanta lagu weeraray Saldhiga Ciidamada Itoobiya ee degmada Doolow ayaa kusoo aadaya xilli Madaxweynaha Jubbaland uu Maamul cusub u soo magacaabay Gobolka Gedo, kuwaas oo bannaan jog ah, hayeeshee waxaa Gobolka Gedo gacanta ku haaya Maamulkii ay Magacaawday dowladdii hore ee Farmaajo.
Ciidamada xoogga dalka Soomaaliya oo kaashanaya saxiibada Caalamiga ah ayaa Maanta howlgal qorsheysan ku qaaday deegaanka Baladul Amiin ee gobolka Shabeelaha Hoose, halkaas oo la sheegay inay ku sugnaayeen Xubno katirsan Ururka Al-Shabaab.
Degaannada howlgalka lagu qaaday oo hoostaga degmada Afgooye ayaa Saraakiisha Ciidamadu sheegeen in ujeedka howlgalka uu ahaa inay halkaasi isku aruursanayeen Xubno katirsan Al-Shabaab.
Wasiirka Wasaaradda Warfaafinta Xukuumadda Soomaaliya Daa’uud Aweys Jaamac oo howlgalka ka hadlay ayaa sheegay in Ciidamada xoogga dalka iyo saxiibada Caalamiga ah oo ka warhelay in Al-Shabaab ay isku aruursanayeen deegaanka Baladul Amiin ay weerar xoogan ku qaadeen.
Wuxuu sheegay in howlgalka ay Ciidamada dowladda kudileen 20katirsan Al-Shabaab, sidoo kalena weli uu socdo howlgalka ka dhanka ah Al-Shabaab si guud ahaan gobolka Shabeellaha hoose.
Ugu dambeyn Wasiirka Wasaaradda Warfaafinta Xukuumadda Soomaaliya Daa’uud Aweys Jaamac wuxuu sheegay in dhawaan uu billaaban doono wajiga labaad ee howlgalka ka dhanka ah Al-Shabaab, ayna qeyb ka noqon doonaan Ciidamada dalalka Safka hore si guud ahaan looga saaro dalka.
https://googleads.g.doubleclick.net/pagead/ads?client=ca-pub-8756589205009556&output=html&h=280&adk=3745922323&adf=3377324906&pi=t.aa~a.3916988872~i.28~rp.4&w=696&fwrn=4&fwrnh=100&lmt=1686152629&num_ads=1&rafmt=1&armr=3&sem=mc&pwprc=4037754401&ad_type=text_image&format=696×280&url=https%3A%2F%2Fradiorisaala.com%2Fdowladda-soomaaliya-oo-sheegtay-in-howlgal-lagu-dilay-20-katirsan-al-shabaab%2F&fwr=0&pra=3&rh=174&rw=696&rpe=1&resp_fmts=3&wgl=1&fa=27&adsid=ChAI8NWApAYQj7C8kbi0kY8MEj0ALBXuFv8ADR_Jbz_J4nD4cP3a7Xw1Z9p1pqq1T9lYxc6B-h_Ezar5YvdYydVApBEwEGcQCA7b9I6NDv9P&uach=WyJXaW5kb3dzIiwiMTAuMC4wIiwieDg2IiwiIiwiMTE0LjAuNTczNS4xMTAiLFtdLDAsbnVsbCwiNjQiLFtbIk5vdC5BL0JyYW5kIiwiOC4wLjAuMCJdLFsiQ2hyb21pdW0iLCIxMTQuMC41NzM1LjExMCJdLFsiR29vZ2xlIENocm9tZSIsIjExNC4wLjU3MzUuMTEwIl1dLDBd&dt=1686152367634&bpp=1&bdt=13621&idt=1&shv=r20230601&mjsv=m202305310101&ptt=9&saldr=aa&abxe=1&cookie=ID%3D7566ab01e894c451-22ebb91bc5dd0051%3AT%3D1683625234%3ART%3D1686152346%3AS%3DALNI_MZc_HdWHSaIA2J8qtXfm3U7FT3CHA&gpic=UID%3D00000bf8a05228dd%3AT%3D1683625234%3ART%3D1686152346%3AS%3DALNI_MY8zG-cMSoY8-z9ACksM5sksl6DsA&prev_fmts=300×250%2C300x600%2C0x0%2C1903x937%2C970x90%2C696x280&nras=4&correlator=4956046660801&frm=20&pv=1&ga_vid=1868816802.1683625195&ga_sid=1686152355&ga_hid=169849221&ga_fc=1&ga_cid=577384012.1686079444&u_tz=180&u_his=1&u_h=1080&u_w=1920&u_ah=1040&u_aw=1920&u_cd=24&u_sd=1&dmc=4&adx=418&ady=2068&biw=1903&bih=937&scr_x=0&scr_y=0&eid=44759837%2C44759927%2C44759876%2C31075048%2C44788441&oid=2&pvsid=3230768045989758&tmod=785424938&uas=0&nvt=1&ref=https%3A%2F%2Fradiorisaala.com%2F&fc=384&brdim=0%2C0%2C0%2C0%2C1920%2C0%2C0%2C0%2C1920%2C937&vis=1&rsz=%7C%7Cs%7C&abl=NS&fu=128&bc=31&jar=2023-06-06-06&ifi=5&uci=a!5&btvi=2&fsb=1&xpc=0MC89rZHUC&p=https%3A//radiorisaala.com&dtd=M
Dowladda Soomaaliya ayaa bilihii la soo dhaafay ku cel celineysay in la billaabi doono wajiga labaad ee howlgalka ka dhanka ah Ururka Al-Shabaab, balse weli aan lagu guuleysan, iyada oo ay kordheen weerarada Al-Shabaab ay ku qaadayaan saldhigyada Ciidamada.
Afar askar oo ka tirsan ciidamada Uganda ayaa muddo lix maalmood ah is qarinayey, si ay uga badbaadaan Al-Shabaab oo la wareegtay saldhiggoodii Buulo Mareer ee Gobolka Shabeellaha Hoose.
Afhayeen u hadlay ciidamada Uganda oo lagu magacaabo Sareeye Guuto, Felix Kulaigye, ayaa sheegay in askartan ay ka badbaadeen weerarkii Al-Shabaab iyagoo ku dhuumaaleysanayay gudaha iyo hareeraha Saldhigga la weeraray ee Buulo Mareer.
Wuxuu sheegay in askartan la helay kadib markii ciidamada Uganda ay dib ula wareegeen saldhigga Buulo Mareer, khamiistii todobaadkii lasoo dhaafay.
“Markii aan saldhigga kusoo laabanay ayaan la kulannay askartan oo aad u tabar yareeyay gaajo iyo harraad darteed, sababtoo ah waxay noolaayeen oo ay ku badbaadeen kaadidooda oo kaliya,” ayuu yiri Kulaigye.
Waxa uu sheegay in mid kasta oo ka mid ah uu kaligiis ku dhuumanayay meel gaar ah.
Warkan ayaa ku soo beegmaya xilli uu madaxweyne Yoweri Museveni sheegay in 54 askari Uganda looga dilay weerarkii 26-kii bishan.
Uganda ayaa Soomaaliya u soo dirtay koox uu hogaaminayo taliyaha ciidamada dhulka Lieutenant General Kayanja Muhanga si ay u baaraan weerarka.
Museveni waxa uu si gaar ah farta ugu fiiqay laba taliye oo uu ku tilmaamay inay khalad sameeyeen isagoo sheegay inay ciidanka ku amreen inay dib u gurtaan.
Baydhabo-{WMN}-Barnaamijka Kulanka Warsan waxaad Caawa kaga boganidoontaan Wareeysiyo aad xasaasi u ah, khudbadiha shirarkii maanta Madaxda Somaliya ay ku qabteen Dalka iyo dibadiisa. waxaa Caawa soo saarey soona jeedinaaya Wariye Yuusuf Sheikh Aden (Qalinle} Dhageysi wanaagsan.
Hoos ka Dhageyso: Wraka Fiidnimo ee Idaacada Wrasan oo idin soo jeedinayo Yaxye Hiilsan.
Hoos ka Dhageyso: Barnaamijka Bandhiga ee Idaacada Warsan oo idin soo jeedinaayo Yaxye Hiilsan.
Ra’iisul Wasaaraha Xukuumadda Jamhuuriyadda Federaalka Soomaaliya, Xamsa Cabdi Barre oo garowsan qiimaha iyo mudnaanta ay leedahay sanad guurada 63—aad ee Gobannimada, Midnimada iyo dhalashadii Jamhuuriyadda Soomaaliya ayaa waxa uu magacaabay Guddiga Qaban-qaabada Xuska Sanad guurada 63aad ee maalmaha xorriyadda oo ka kooban siddeed Wasiir iyo Guddoomiyaha Gobolka Banaadir.
Guddigaan oo uu guddoomiye u yahay Wasiirka Arrimaha Arrimaha Gudaha ayaa waxa ay Magacyadooda kala yihiin:
1: Axmed Macalin Fiqi Wasiirka Arrimaha Gudaha Guddoomiye
2: Daa’uud Aweys Jaamac Wasiirka Warfaafinta Xubin
3: Maxamed Axmed Sheekh Cali ( doodishe) Wasiirka Amniga Xubin
4: Dr Cilmi Maxamed Nuur Wasiirka Maaliyadda Xubin
5: Maxamed Maxamuud Barre Wasiirka Dhalinyarada Xubin
6: Khadiijo Maxamed Diiriye Wasiirka Haweenka Xubin
7: Biixi Iimaan Cige Wasiirka Shaqada iyo Arrimaha Bulshada Xubin
8: Xasan Xuseen Maxamed Wasiirka Xanaanada Xoolaha Xubin
9: Yusuf Xuseen jimcaale ( Madaale) Guddoomiyaha Gobolka Banaadir Xubin.
Xubnaha guddigaan ayaa waxaa ay Shaqadooda noqoneeysaa Xuska Sanad guurada 63aad ee maalmaha xorriyadda oo ku began 26-ka Bishaan June.
Hoos ka Dhageyso: Wraka Duhurnimo ee Idaacada Wrasan Tabiye Yuusuf Sheikh Aden.
Saraakiisha howlgalka hoggaamineysay ayaa waxaa ay sheegeen in howlgalka sigaar ah looga fuliyay degaanada ka ah Ceel hareeri & Meexaan oo hoostaga Degmada galacad ee gobalka Galgaduud.
Waxaa ay intaaski ku dareen hadalkooda Saraakiisha in ujeedka howlgalka uu ahaa inay ka jawaabaan weerarkii Al-Shabaab ay dhawaan ku qaadeen degaamka Masagawaay oo hoostaga degmada Ceeldheer, halkaas oo dagaal xoogan uu ku dhexmaray Ciidamada dowladda iyo Al-Shabaab.
Sidoo kale waxaa ay sheegeen inay sii socon donaan howlgallada ka dhanka ah Al-Shabaab ilaa iyo inta laga saarayo degmooyinka iyo degaannada ay kaga sugan yihiin Gobolka Galgaduud, sida Ceelbuur Galhareeri, Wabxo iyo degaannada kale ee Gobolkaas.
Wararkii ugu dambeeyay ee naga soo gaaraya Gobolka Galgaduud ayaa sheegaya in halkaasi ay ka socdaan howlgallo xoogan iyo u diyaar garoowga wajiga labaad ee howlgalka ka dhanka ah Al-Shabaab si looga saaro degmooyinka ay weli ku harsan yihiin.
Howlgalkan ay Ciidanka Kumaandooska xoogga dalka Soomaaliyeed ee DANAB iyo Ciidanka gor gor ka sameeyeen degaano hoostaga degmada Galcad ayaa kusoo aadaya xilli ay istaageen howlgalladii ka dhanka ahaa Al-Shabaab wallow madaxda sare ee dowladda Soomaaliya ay sheegeen inay dib u billaaban doonaan.