Hoos ka Dhageyso: Barnaamijka Dhacdooyinka ee Idaacada Wrasan oo idin soo jeedinaayo Sadam Hilal.
Ciidamada ammaanka ayaa la sheegay inay soo afjareen Xubno katirsan Ururka Al-Shabaab oo weerarka ku qaaday hotelka Pearl Beach ee xeebta Liido degmada Cabdulcasiis ee magaalada Muqdisho.
Saraakiil katirsan laamaha Amniga ayaa sheegay in Ciidamada ammaanku ay toogteen dhammaan raggii weerarka soo qaaday.
Inta uu socday hawlgalka ciidamada ammaanka waxa ay gudaha hotelka ka soo badbaadiyeen shacab farabadan oo goobta ku sugnaa.
Ilaa iyo hadda faah faahin rasmi ah lagama helin khasaaraha dhimasho iyo midk dhaawac ee ka dhashay weerarka, hayeeshee laamaha Ammaanka dowladda Soomaaliya ayaa waxaa la filayaa inay faah faahin ka bixiyaan.
Baydhabo-{WMN}-Barnaamijka Kulanka Warsan waxaad Caawa kaga boganidoontaan Wareeysiyo aad xasaasi u ah, khudbadiha shirarkii maanta Madaxda Somaliya ay ku qabteen Dalka iyo dibadiisa. waxaa Caawa soo saarey soona jeedinaaya Wariye Yuusuf Sheikh Aden (Qalinle} Dhageysi wanaagsan.
Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo uu wehliyo Ra’iisul Wasaaraha XFS ayaa casho Sharaf ku qabsoomtay Madaxtooyada Qaranka waxa uu ku maamuusay Isimada Dhaqanka Gobollada Sool iyo Sanaag ee maalmahan ku sugnaa Muqdisho, si ay xaaladda deegaanka ula wadaagaan Madaxda heer Federaal.
Madaxweynaha ayaa soo dhaweeyey go’aammada Golaha Ammaanka ee Qaramada Midoobay ay ka soo saareen xaaladda ka taagan magaalada Laascaanood, waxa uuna ku baaqay in fursad loo siiyo gurmadka iyo gargaarka degdegga ah ee ay u baahan yihiin dadka deegaanku, loona abuuro jawi ku habboon waan-waanta iyo xalka nabadda.
Sidoo kale, Madaxweyne Xasan Sheekh Maxamuud ayaa adkeeyey baaqii dowladda ee ku wajahnaa dhinacyada xiisadda Gobolka, kaas oo salku ku hayey in xal aan xabbad ahayn lagu wajaho, dowladda Federaalka Soomaaliyana ay ka go’an tahay in ay qaadato doorkeeda nabadeynta iyo fududeynta wada-xaajoodka, si loo joojiyo colaada.
Hoos ka Dhageyso: Barnaamijka Dhacdooyinka ee Idaacada Warsan oo idin soo jeedinaayo Sadaam Hilal.
Golaha Ammaanka ee QM ayaa walaac ka muujiyay Xiisada k taagan magaalada Laascaanood ee xarunta gobolkaSoolkuna baaqay in deg deg loo joojiyo.
Bayaan ka soo baxay Golaha Ammaanka ayaa ugu horreyn looga hadlay madax banaanida dhuleed, jiritaanka qaranimo, iyo madaxbanaanida siyaasadeed ee Soomaaliya.
Bayaanka Golaha Amaanka ee QM ayaa lagu sheegay in shacab badan ay ku dhiteen colaadda ka taagan magaalada, ilaa iyo 150,000 oo qofna ay ku barakaceen.
Sidoo kale’ Golaha Ammaanka ee Qaramada Midoobay ayaa tacsi u diray ehelada kuwii colaadda ku nafwaayay, soo kabashana u rajeeyay kuwii ku dhaawacmay.
Waxaa kaloo warbixinta lagu yiri “Xubnaha Golaha Amaanka ee Qaramada Midoobay waxay soo dhaweynayaan dadaallada dowladda Federaalka Soomaaliya, Ethiopia iyo odayaasha dhaqanka ay ka wadaan gobolka, si xabadda loo joojiyo – wadahadal ay Soomaalidu garwadeen ka tahayna loo bilaabo.”
Qaramada Midoobay ayaa ugu baaqday dhammaan dhinacyada ku lugta leh colaadda inay heshiis xabad joojin ah gaaraan, waxayna booriyeen wada-hadal loo dhanyahay oo colaadda nabad ku soo dabbaala.
Warbixinta ayaa dhinaca kale ugu baaqday Xafiiska Qaradamada Midoobay ee Soomaaliya inuu taageero iyo gacan dheeri ah ka geysto arrintan.
Xubnaha Golaha Amaanka ayaa dhinaca kale ugu baaqay Somaliland inay si dhaqso ah ciidamadeeda ugala baxdo Laascaanood, islamarkaana ay dhinacyadu is xakameeyaan, oo ay joojiyaan daandaansiga iyo hadallada colaad hurinta ah.
Golaha ayaa xusuusiyay dhammaan dhinacyada waajibaadka ka saaran ilaalinta sharciga caalamiga ah ee bani’aadannimo iyo shuruucda xuquuqda aadanaha.
Waxaa kale oo Goluhu uu hoosta ka xariiqay in dhinacyada in lagula xisaabtami doono mas’uuliyaddaasi saaran, gaar ahaan kuwa jebiya shuruucdaas caalamiga ah ama gaysta xagdugudubyo dhinaca xuquuqda aadanaha ah.
Baydhabo-{WMN}-Barnaamijka Kulanka Warsan waxaad Caawa kaga boganidoontaan Wareeysiyo aad xasaasi u ah, khudbadiha shirarkii maanta Madaxda Somaliya ay ku qabteen Dalka iyo dibadiisa. waxaa Caawa soo saarey soona jeedinaaya Wariye Yuusuf Sheikh Aden (Qalinle} Dhageysi wanaagsan.
Madaxweynaha Jamhuuriyadda Federaalka Soomaaliya Xasan Sheekh Maxamuud ayaa Madaxtooyada ku qaabilay Wakiilka Gaarka ah ee Xoghayaha Guud ee Qaramada Midoobay uu u soo magacaabay Soomaaliya Marwo Catriona Laing.
Madaxweyne Dr Xasan Sheekh iyo Danjire Catriona Laing ayaa ka wadahadlay dardargelinta howlaha muhiimka ah ee Xafiiska Qaramada Midoobay uu ka taageero dowladda Soomaaliya.
Madaxweynaha ayaa la wadaagay dadaallada dowladdu ku bixinayso dhinacyada la dagaallanka Al-Shabaab, kobcinta dhaqaalaha, isaga oo xusay muhiimadda ay leedahay si wax looga qabto caqabadaha bini’aadannimo ee ka jira goobaha laga saaray Al-Shabaab.
Dhankeeda, Ambasadoor Catriona Laing ayaa Dowladda iyo shacabka Soomaaliyeed uga mahadcelisay soo dhaweynta diirran ay kala kulantay, iyadoo bogaadisay guulaha laga gaaray dagaalka Al-Shabaab looga xoreynayo dalka, waxa ayna tilmaantay in howlgalkeeda cusub uu xoogga saari-doono adkeynta wada-shaqeynta, sare u qaadidda taaageerada amniga, siyaasadda iyo gargaarka bini’aadannimo.
Gudoomiyaha Gobolka Mudug ee Puntland Faysal Sheikh Cali oo safar shaqo ku jooga Degmada Towfiiq ayaa kulan kii 3aad oo mira dhala la qaatay Nabadoonada iyo Maamulka Degmada Towfiiq ee Gobolka Mudug.
Nabadoonada iyo Wax-garadka Degmada oo Fulinaya Qodobadii Fadhigii 2aad loogu soo jeediyey ayaa Gudoomiyaha Gobolka Mudug ku wareejiyey Furkii (Qoryihii) ayagoona ku dhawaaqay in ay qaaten Xabad Joojin rasmiya.
1- Waxay keeneen Furkii (qoryihii) ay Ardaaladu haysteen kuna wareejiyeen Guddoomiyaha Gobolka Mudug Mudane Faysal.
2- Waxay ku baaqeen Xabad joojin dhab ah isla markaana ayu u muujinayaan walalahooda Xurguftu dhexmartay dabacsanaan, Samafal iyo inay ka xunyihiin waxa dhacay oo aysan marna raali ka ahayn.
3- Nabadoonada iyo Waxgaradka Degmada Towfiiq waxay fidiyeen Gogol Nabadeed iyagoona Gogosha dhigay Dagmada Towfiiq sidoo kale waxay ka codsadeen walaalahood Xurguftu dhexmartay in ay ka aqbalaan Magaalada Towfiiqna Gogoshuna taalo.
Gudoomiyaha Gobolka Mudug, Faysal Sheikh Cali oo kulanka soo xiray ayaa sheegay ilaa gogosha iyo wadahadalada Nabadeed ay ku guulaystaan maahane in aysan meel kale usocon, isagoona umahadceliyey dhamaan Nabadoonada iyo waxgaradka sidii ay ufuliyeen qodobadii ay horay ugu soo jeediyeen gogosha iyo xabad joojintana ugu dhawaaqeen, sidoo kale Gudoomiyaha ayaa tilmaamay Nabada iyo Wadajirka Bulshadu inay wax walba saldhig u tahay Qarnigaan lagu jirana marna aysan udul qaadan karin aqbaleen in dad Soomaaliyeed dirir dhexmarto.
Hoos ka Dhageyso: Barnaamijka Bandhiga Idaacada Warsan oo idin soo jeedinaayo yuusuf Sheikh Ade.