Hoos ka Dhageyso: Barnaamijka Caafimaadka ee Idaacada Warsan oo idin soo jeedinaayo Wariye Mohamuud Nuunoow Mohamed (Jiijoow).
Hoos ka dhageyso Warka Fiidnimo ee Idaacada warsan oo idin soo jeedinaayo Hassan Shurbe.
Wasiirka maaliyadda dowladda Soomaaliya Dr. Cilmi Maxamuud Nuur oo ku sugan Magaalada Sharma Sheekh ee dalka Masar ayaa maanta ka qayb galay shir gaar ah oo ay isugu yimaadeen wasiirada maaliyadda iyo madaxda Bangiyada Dowliga ah ee Dalalka bariga Afrika oo Soomaaliya ay xubin muhiim ah ka tahay.
Waasiirka maaliyadda Soomaaliya ayaa sheegay in kulanka looga hadlay arrimaha horumarinta dhaqaalaha dalalka bariga Afrika iyo sidii looga gudbi lahaa caqabadaha ku hor gudban dhaqaalaha.
Sidoo kale shirka ayaa looga dooday sidii dal waliba uu maalgalin u gaar ah uga heli lahaa Bangiga Horumarinta Afrika.
Dhawaan waxaa si rasmi ah uga furmidoona magaalada Sharma Sheekh ee dalka Masar shirka sanad laha ah ee Bangiga horumarinta Afrika.
Hay’adda Maareynta Musiiboyinka Qaranka Soomaaliyeed ee SODMA ayaa maanta diyaarad wada shixnad Gargaar daawo ah u dirtay Magaalada Laascaanood ee xarunta Gobolka Sool oo ay ka socdaan dagaalo xoogan.
Diyaaradaan oo Garoowe ka dajin doonto gargarkaan ayaa magaladaas waxaa looga qaadayaa gawaari si ay u gaarsiyaan isbitaalada Laascaanood.
Shixnadaan daawada ah ayaa iskugu jirta qeybaha kala duwan ee daawada waxaana loogu talagalay dadka rayidka ah ee colaada lascaanood qasaaraha ka so gaartay.
Agaasimaha guud ee Arrimaha Bini’aadantinimo Hay’adda Mareeynta musiiboyinka Qaranka ee SODMA Cabdirashiid Maxamuud Hassan, Madax Qeybta Caafimaadka Xarunta Howlgalka Degdega ee Hey’adda SoDMA Dr. Cabdullahi Muuse Axmed iyo Masuuliyiin kale oo katirsan SODMA ayaa diyaradaan ka sagootiyey garoonka Aadan cade.
Dowladda Uganda ayaa tababar usoo xirtay ciidamo katirsan milatariga Soomaaliya, kuwaas oo uu tababar uga socday dalka Uganda.
Saraakiil ka socday wasaaradda difaaca Uganda ayaa u hambalyeeysay ciidamada tababarka loo soo xiray, iyagoo xusay in xirfadaha la baray ay muhiim u yihiin ka hortagga argagixisada iyo fulinta howlo gaar ah oo loogu talagalay nabadeynta Soomaaliya.
Waxay xuseen in tababarka wadajirka ah uu xoojinayo iskaashiga difaaca iyo amniga ee labada dal ee Soomaaliya iyo Uganda.
“Tababarka XDS wuxuu gacan ka geystaa horumarinta nabadda iyo amniga gobolka maadaama ay kor u qaadayso dhisidda awooddooda,” ayay tiri Hon Huda oo ahayd wakiilka wasiirka difaaca dalka Uganda.
Huda ayaa sidoo kale ku ammaantay Madaxweyne Museveni iyo Madaxweynaha Jamhuuriyadda Federaalka Soomaaliya Xasan Sheekh Maxamuud horumarinta Pan-Africanism-ka, nabadda iyo amniga gobolka.
Wasiirka Gaashaandhigga Soomaaliya Cabdulqaadir Maxamed Nuur oo ka hadlay tababarka loosoo xiray ciidamadan, ayaa ku ammaanay Madaxweyne Museveni iyo dhammaan ciidamada UPDF gacanta ay ka geystaan la dagaalanka argagixisada Soomaaliya.
Wuxuu yiri: Nafhurnimadiina iyo taageeradiina Soomaaliya mar walba waa la qaddarin doonaa inta aan la dagaallamayno Al-Shabaab si loo helo Soomaaliya ammaan ah. Mar walba waanu u ka mahadcelin doonnaa doorla Uganda.”
Wasiirka Difaaca Soomaaliya oo hadalkiisa sii wata ayaa ku bogaadiyay kor u qaadista tayada Ciidanka xoogga dalka Soomaaliyeed, isagoo yiri “XDS waxay qori doonaan taariikhda ciidanka difaaca Uganda ee ku sugan Soomaaliya”
Ergooyin ka kala socda Milliteriga Dowladda Suuadan iyo kuwa Gurmadka Degdega ee RSF ayaa waxay heshiis Xabbad-Joojin ah ku gaareen magaalladda Jeddah ee dalka Sacuudiga.
Iyadoo uu isbuucii 6-aad galay Dagaalka Suudan ayaa waxa uu sababay Jahwareer, Amni-daro iyo inay in ka badan hal milyan oo qof ku barakacay.
Heshiiska xabad-joojinta ee ay labada dhinac gaareen ayaa waxa uu dhaqan geli doonaa Habeenka Isniinta, abaaro 9:45 daqiiqo ee Fiidnimo ee xilliga dalkaasi oo u dhiganta 7:45 daqiiqo ee Xilliga Greenwich mean time (GMT).
Heshiiskaasi oo ay Dhexdhexaadiyaal ka yihiin Sacuudiga iyo Maraykanka ayaa waxa uu ka duwanaan doonaa Heshiisyadii hore ee XJJ ee lagu xadgudbay.
Taabagelinta Heshiiska waxaa lagu xusay in Dayax-Gacmeedya lagua socon doono Dhaqdhaqaaqyada Milliteri ee labada dhinac, iyadoo lagu baaqay in Ciiddamada labada dhinac laga wada daad-gureeyo magaallooyinka iyo Adeegyada kale ee Bulshada, lana joojiyo Duqeymaha loo adeegsanayo Diyaaradaha, Madaafiicda Culus iyo Diyaaradaha Darooniska.
Heshiiska XJJ ee lagu gaaray magaalladda Jeddah waxa lagu ayiday Muhiimada in laga fogaadaan inta ugu macquulsan Isbitaallada.
Si kastaba, inta badan Maleeshiyaadka hubeysan ee dalalka ay Colaadaha ka dhacaan lagama wacyi-geliyo Xeerarka iyo Shuruucda Caalamiga ee khuseeya dhowrista dadka Rayidka iyo Ilaalinta Xurmada dadka Dibloomaasiyiinta iyo Xarumaha iyo Hantida Safaaradaha.
Ra’iisul Wasaaraha Xukuumadda Jamhuuriyadda Federaalka Soomaaliya Hamza Abdi Barre ayaa sheegay in ardayda wax ka barata Magaalada Beledwayne ee Xarunta Gobolka ee Hiiraan ee Hirshabeelle dib loogu dhigay imtixaanaadka dowladda.
Ra’iisul Wasaare Xamse ayaa tilmaamay in sababta dib loogu dhigay Imtixaanka shahaadiga ah sanad dugsiyeedkaan ee ardayda wax ka barata Beledwayne ay tahay mid la xiriirta barakaca iyo dhibaatada ka dhalatay fatahaadaha Wabiga Shabeelle.
Sidoo kale Ra’iisul Wasaaraha Xukuumadda ayaa in magaalada Baladweyne ay ka jirto xaalad bani aadamnimo oo aan saamexeynin in laga qabto imtixaanka shahaadiga ah ka dib markii ay fatahaada webiga ka qaxeen kumanaan qoys.
“Ardayda Baladweyne waxaa loo diyaarin doonaa imitixaan gaar ah oo ay geli doonaan marka ugu horeysa ee suuragal noqoto, wasaaradaha waxbarashada heer federaal iyo dowlad goboleed ayaana arrintaas ka wada shaqeyn doona” ayuu yiri Xamse Barre
Hadalkaan ayuu Ra’iisul Wasaare Xamse Cabdi Barre ka sheegay munaasabad ka dhacday magaalada Muqdisho oo lagu shaacinayay natiijada saddexdii kun ee macallin dowladdu qaadatay, taasi oo soo gabagabeysay Wasaaradda Waxbarshada, Hiddaha Iyo Tacliinta Sare.
Si kastaba, 27-ka bishan May ayaa lagu wadaa inuu qeybo ka mid ah dalka ka bilowdo Imtixaanka shahaadiga ah ee dugsiyada sare sida ay horey u shaacisay Wasaaradda Waxbarshada Soomaaliya.
v
Hoos ka Dhageyso: Barnaamijka Dhacdooyinka ee Idaacada Warsan oo idin soo jeedinaayo Sadam hilal.