Hoos ka Dhageyaso: Warka Duhurnimo ee Idaacada Warsan,Tabiye Yuusuf Sheikh Aden.
Ciidanka Xoogga Dalka iyo kuwa Deegaanka ee ku sugan Degmada Ceeldheer ee gobolka Galgaduud ayaa saacadihii la soo dhaafay sameeyay howlgallo xoogan oo ka dhan ahaa Ururka Al-Shabaab.
Howlgallada ayaa Ciidamada sigaar ah uga sameeyeen degaannada Hul-caduur iyo Xalaneey oo hoostaga degmada Ceeldheer ee Gobolka Galgaduud, waxaana lagu soo qabtay Saraakiil katirsan Al-Shabaab.
Saraakiisha Ciidamada xoogga dalka ee degmada Ceeldheer ayaa sheegay in howlgalka lagu qabtay Saraakiisha kala ah Shire Cabdi Maxamed,Cali Abgaaloow iyo Maxamuud Calasoow kuwaas oo lacago Al=Shabaab uga qaadayay gaadiidka safarka ah inta mudo ahna ka tirsanaa.
Sidoo kale Saraakiisha waxaa ay sheegeen inay soo wadi doonaan howlgallada Al-Shabaab, isla markaana ay ka go’an tahay in degaannada hoostaga degmada Ceeldheer ay ka saaraan Al-Shabaab.
Nin hubeysan ayaa toogasho ku dilay siddeed qof oo ka dukaameysanayey suuq ganacsi oo ku yaalla waqooyiga magaalada Dallas ee gobolka Texas ee dalka Maraykanka.
Sida ay sheegeen ciidamada gurmadka Boqolaal qof ayaa laga daad-gureeyay suuqa weyn ee magaalada Allen. kadib markii nin hubeysan uu si aan kala sooc lahayn u rasaaseeyay dad wadada marayey.
Booliiska ayaa sheegay in ay toogteen ninkii hubaysnaa, isla-markaasna ay rumeysan yihiin in uu kaligii falka geystay.
Qaar ka mid ah dhibanayaasha ayaa lagu soo waramayaa in ay caruur yihiin. Ugu yaraan toddobo qof ayaa lagu daweynayaa Isbitaalka, kuwaas oo saddex ka mid ah dhaawacoodu halis yahay.
Madaxa dab damiska Allen Jonathan Boyd ayaa sheegay in toddobo qof – oo uu ku jiro ninkii hubaysnaa ay ku dhinteen isla goobta, halka labo qof oo kalena ay ku geeriyoodeen Isbitaalka.
Guddoomiyaha gobolka Texas Greg Abbott ayaa toogashada ku tilmaamay musiibo aan la qiyaasi karin, wuxa uuna sheegay in gobolku uu diyaar u yahay in uu wax kasta oo gargaar ah u fidiyo maamulka deegaanka.
Hoos ka Dhageyso: Barnaamijka Dhacdooyinka Warsan,Tabiye Sadam Hilal.
Baydhabo-{WMN}-Barnaamijka Kulanka Warsan waxaad Caawa kaga boganidoontaan Wareeysiyo aad xasaasi u ah, khudbadiha shirarkii maanta Madaxda Somaliya ay ku qabteen Dalka iyo dibadiisa. waxaa Caawa soo saarey soona jeedinaaya Wariye Mohamuud Ali Abdullahi (Gaabshaa} Dhageysi wanaagsan.
Xildhibaan Maxamed Cabdi Xayir Maareeye oo ka tirsan Golaha shacabka Baarlamaanka Soomaaliya ayaa qoraal uu uga hadlayo xaaladda guud ee Somaliland & xiisada siyaasadeed ee ka taagan Laascaanood u diray Madaxweynaha Soomaaliland Muuse Biixi Cabdi .
Maareeye ayaa si gaar ah uga hadlay doorashada Somaliland, wuxuuna farriin u diray Madaxweyne Muuse Biixi oo uu ku eedeeyay inuu diiday toolooyinkii loo soo jeediyay.
Qoraalka Xildhibaan Maareeye ayaa u qornaa Sidaan:
Talo Furan oo ku socota Madaxweyne MuuseBiixi Cabdi
Xafiiska Xildhibaan Cabdi Xayir (Maareeye)
Mudane Madaxweyne, sida aad ogtahay Somaliland (SL) halkii sano iyo badhkii u dambeeyey waxaa ka taagnaa muran siyaasadeed oo dhinaca doorashooyinka ah oo laysku hayey doorashada Asxaabta ayaa soo hormaraysa iyo doorashada Madaxweynaha ayaa soo hormaraysa. Sidoo kalena 3dii bilood ee u dambeeyey waxaa ku soo biiray colaada Laascaanood oo markii hore ku bilaabmantay cabasho dadweyne oo xaq ahayd, laakiin isla markiiba loo bedelay dagaal leh weji qabiil iyo mid qadiyado kale oo daba-dheeraan kara.
Waxaan aaminsanahay, Mudane Madaxweyne in aad fahamsantahay in hadal-jeedintaada labada gole ee maalinta Isniinta in ay ku soo beegantay xilli xaasaasi ah, oo la filayo in ay ka duwanaan doonto hadal-jeedimahaagii hore ee Somaliland degan oo aan dagaal ku jirin. Hadal-jeedintaada labada gole ka sokow, waxaa dhegaysanaya shacabka Somaliland ee iyagoo duruufo adag oo nololeed ku jira ay wareeriyeen muranka siyaasadeed, iyo daneeyayaal badan oo gaal iyo muslim-ba leh oo dabcan sida caadiga ah isugu jira kuwo jecel SL degan oo nabad ah iyo kuwo jecel SL dunta oo isdisha. doorkan qudbadaada waxba waqti ha iskaga lumin in aad cid u hanjamto ama ka hadasho arimaha geeska iyo kuwa Caalamka, hadal- jeedintaada waxaa laga fiirinayaa oo keliya si aad uga hadasho arimaha gudaha iyo doorashooyinka, isla marka aad dhameysona waxaad noqon doontaa (either) hogaamiye quus ah oo hogaan kala bax-ah, ama hogaamiye fahamsan duruufta siyaasadeed, mida amni iyo bulsho ee Somaliland ku jirto oo uga tanaasula dadkiisa wax badan oo uu jecel yahay.
Mudane Madaxweyne, hadii aad xasuusato SL oo ku jirta xaalad ka fiican tan maanta, ayaad diiday in aad aqbasho hab-dhaqankii soojireenka ahaa ee SL ku dhisneyd ee wadatashiga iyo ismaqalka, waxaad talo ka diiday Madaxdii
Xisbiyada ee talada doorashooyinku kaala dhexeysay, waxaad talo ka diiday oo kala dirtay Salaadiintii Dhaqanka iyo Culimadii SL ee isxilqaamay, waxaad talo ka diiday Gudoonka labada Aqal oo wada socda, waxaad talo ka diiday waxgaradkii iyo Ganacsatadii SL, waxaad diiday oo hoos u kala furfurtay Gudiga doorashada ee aad hada tiraahdo iyagaan ka sugaynaa in ay mudeeyaan waqtiga doorashooyinka oo hore u soo bandhigay in ay mudo 9 bilood gudahood ah ku qaban karaan doorashada Madaxweynaha, ugu dambeyntii waxaad duufsatay Gudoomiye Suleymaan Maxamuud oo runtii ka hoos maray halkii ay ka soo bixi jireen maalinta ay adkaato ragii uga horeeyey xilka Gudoonka golaha Guurtida ama kula jiray oo aan ka xusi karo Sheikh Madar iyo Xaaji Cabdi-waraabe (allah ha u naxariistee) oo aad ku tidhi mudo xileedkaaga 5-sano ku darso, anna 2 sano iigu soo dar, laakiin waxaan u malaynayaa in aad hada garowsatay in taladaasi noqotay taladii Islaanta ee uu ku maahmaahay Maxamuud Xaashi oo aad wixii hada ka dambeeya dadka iyo dalka u tudhi doonto oo aad dhegaysan doonto dadka taladu kaala dhexeyso iyo waxgaradka kale ee SL.
Mudane Madaxweyne, aniga aragtidayda, iyadoo laga qiyaas qaadanayo qibradii laga dhaxlay iyo siday bulshada SL u kala qaybisay doorashadii ururada ee 2012-kii, iyadoo maanka lagu hayo duruufaha kala qaybsanaanta siyaasadeed iyo
colaada ee SL ku jirto, iyadoo la ogyahay in Xisbiyada/ururadu leeyihiin magacyo fiican dad badanina ku wada-jiraan laakiin ay yihiin Xisbiyo/ururo beelo leeyihiin, adigoo og in SL aanay qaadi karin muran/kala qaybsanaan siyaasadeed oo dambe iyo doorashada oo dib u sii dhacda, adigoo aan iloobin Mudane Madaxweyne in shacabka SL abaal kugu leeyihiin oo Madaxweyne kuu doorteen iyagoo og in aad tahay nin milateri ah oo yare qalafsan iyo in aad hada tahay.
Madaxweyne mudo xileedkiisii dhamaaday, aniga suuragal ilama maha in la soo hor-marin karo doorashada ururadda, hadii aad soo hormarisona wuxuu dalku geliyaa marxalad aan la qiyaasi karin meesha ay ku dhamaanayso, ugu dambeyntana ma jiri doonto maanta cid ama beel kaayeelaysa ururkaagii wuu dhacay. Sidaas awgeed waxaan kugula talinayaa in aad talada ku celiyo
Golayaasha aad la hadlayso, Madaxda Xisbiyada/ururada iyo waxgaradka SL oo aad fasaxdo in dalka loo geliyo doorasho Madaxweyne oo ku dhisan duruuf gaar ah oo ay u tartami karaan Madaxda 3-dii Xisbi ee hore u jiray iyo Madaxda ururada Siyaasadda ee cusub ninkii u diyaarsan ayuu qoraalkiisa ku soo gababeeyay Xildhibaan Maareeye.
Hoos ka Dhageyaso: Wrka Fiidnimo ee Idaacada Warsan,Tabiye Hassan Ibrahim.
Guddoomiyaha Barlamaanka Puntland, Cabdirashiid Yuusuf Jibriil ayaa magacaabay guddi ka kooban 5 xubnood oo ka soo talo bixiya wax-ka bedel lagu sameynayo dastuurka.
Guddoomiyaha barlamaanka ayaa sheegay in Madaxweyne Deni uu usoo gudbiyay soo jeedinta ku saabsan in dastuurka wax laga beddelo.
Guddigan uu magacaabay ayaa ka doodi doona wax-ka-beddelka dastuurka Puntland ee ay Xukuumaddu soo jeedisay, kadibna waxay warbixintooda usoo gudbindoonaan Golaha Wasiirada Puntland .
Halkaan Hoose ka akhriso guddiga loo saaray dasuurka.
- Xil. Sharmarke Cali Cilmi ( Guddoomiye)
- Xil. Maxamed Cabdi Faarax ( Xubin)
- Xil. Ismaaciil Cabdi Abtiile ( Xubin)
- Xil. Cabdiraxmaan Cali Jibriil (Xubin)
- Xil. Maxamed Cabdi Warsame (Xubin)
Golaha wasiirrada Puntland, ayaa maalintii khamiista ahayd ee Todobaadkii la soo dhaafay meel mariyay in la kordhiyo tirada ururada siyaasada, si taas loo gaaro ayay lagama maarmaan u noqotay madaxda xilalkaka heysa puntland in isbedel ay ku sameeyaan dastuurka kumeel gaarka ah ee Puntland.
Hoos ka Dhageyaso: Wrka Galabnimo ee Idaacada Warsan,Tabiye Muna Hussen.