Hoos ka dhageyso finalka Tartan aqooneedka Idaacada Warsan oo caawa isku arkay xaafadaha kala ah Towfiiq A iyo Waaberi B.
Dagaal aad u xooganaa, isla markaana saacado badan qaatay ayaa Galabta waxaa uu ku dhexmaray degaanka Budbud ee Gobolka Galgaduud Ciidamada dowlada Soomaaliya iyo kuwa degaanka oo dhinac ah iyo Ururka Al-Shabaab.
Dagaalka ayaa waxaa uu yimid kadib markii Al-Shabaab ay weerar qarax ku billaawday ku qaadeen degaanka Budbud, waxaana dagaalka labada dhinac ay isku adeegsadeen hibka noocyadiisa kala duwan.
Goobjoogayaal ayaa waxaa ay sheegeen in dagaalka labada dhinac uu kas gaaray khasaaro xoogan, waxaana weli meelo kamid ah degaanka Budbud laga dareemayaa saameynta ka dhalatay dagaalka.
Saraakiil katirsan Ciidamada xoogga dalka ayaa sheegay in dagaalka ay kudileen Xubno badan oo katirsan Al-Shabaab, isla markaana hadda ay howlgallo xoogan ka wadaan duleedka degaanka Budbud ee Gobolka Galgaduud.
Halka Al-Shabaab dhankooda ay sheegteen inay la wareegeen Saldhigga Ciidamada dowladda ee degaanka Budbud kana qaateen Gaadiid dagaal oo yaallay wallow aysan jirin warar madax bannaan oo xaqiijinaya sheegashada Al-Shabaab.
Waxaa sidoo kale wararka aan heleyno ay sheegayaan in caawa qeyb kamid ah degaanka Budbud ay Isgaarsiita ka maqan tahay taas oo yareeyneysa in la helo xogta ku saabsan xaalladda degaanka wallow wararku ay sheegayaan inay tahay mid degan.
Saacadihii la soo dhaafay ayaa Ciidamada dowladda iyo kuwa degaanka ay howlgallo xoogan iyo dhaq dhaqaaqyo Ciidan ka wadeen degaanka Budbud ee gobolka Galgaduud, si ay Al-Shabaab uga saaraan degaannada ay ka joogaan guud ahaan Gobolkaas.
Madaxweynaha Jamhuuriyadda Federaalka Soomaaliya Xasan Sheekh Maxamuud ayaa xeer Madaxweyne ugu magacaabay Marwo Maryan Yaasiin Xaaji Yuusuf Ergeyga Gaarka ah ee u qaabilsan Arrimaha Carruurta iyo Xuquuqda Soo-Galootiga.
Madaxweynaha Dowladda Federaalka Soomaaliya Xasan Sheekh Maxamuud oo raacaya Qodobbada 87-aad iyo 90-aad ee Dastuurka KMG ayaa tilmaamay in Ergaygan aqoon iyo khibrad wanaagsan u leedahay ilaalinta arrimaha carruurta iyo xuquuqda soo-galootiga, isaga oo adkeeyey sida ay uga go’an tahay dowladda xaqiijinta arriimaha mudnaanta u leh shacabka Soomaaliyeed.
Madaxweynaha ayaa kula dardaarmay Ergeyga cusub ee Arrimaha Carruurta iyo Xuquuqda Soo-Galootiga dardargelinta dhammaan howlaha muhiimka u ah ka jawaabidda baahiyaha carruurta Soomaaliyeed iyo Xuquuqda Soo-Galootiga, iyadoo diiradda la saarayo qorsheyaasha Qaran ee ku saleysan ilaalinta Carruurta iyo xuquuqdooda aas-aasigaa.
Hoos Dhageyso: Tartan aqooneedka Idaacada Warsan oo caawa udhaxeeyay Xaafadaha Kala ah Towfiiq A iyo Isha B, finalka caawa waxaa ugudbay Xaafada Towfiiq A oo Heshay 5 Dhibcood .
Golaha ammaanka Qaramada Midoobay ayaa Bisha soo socota mar kale dib u eegis ku sameyn doona cunaqabateynta Koonfurta Sudan, si la mid ah Soomaaliya.
Dalka Koonfurta Suudaan ayaa waxay rajeyneysaa in xayiraadda laga qaado. Juba ayaa rajeynaysa in daaha gadaashiisa ay uga ololeeyaan xubno kamid ah golaha ammaanka ee Qaramada Midoobay.
Dowladda Soomaaliya ayaa kamida ah waddamada si cad ugu baaqay in la qaado xayiraada hubka ee saran dalkaas.
Arrintaan waxay kusoo aaday xilli toddobaadkii hore, Golaha Nabadda ee Midowga Afrika uu sheegay in Qaramada Midoobay ay ahayd inay tixgeliso codsiga soo noqnoqda ee Soomaaliya si looga saaro xayiraadda hubka.
Golaha oo la tacaalaya khataraha amni ee Afrika, ayaa sheegay in Soomaaliya laga qaado cunaqabateynta saaran “si loo xaqiijiyo in dalku uu si ku filan u qalabeeyo ciidankiisa si wax looga qabto khataraha amni ee Al-Shabaab iyo kooxaha kale ee argagixisada ah ee ka hawl-gala Soomaaliya, xilli uu isku diyaarinayo in uu la wareego talada dalka.
Madaxweynaha Soomaaliya Xasan Sheekh Maxamuud ayaa todobaadkii la soo dhaafay ku celiyay in xayiraadaasi ay waqtigeedu dhaaftay ka dib markii uu marti geliyay wafdi ka socday Qaramada Midoobay oo uu hogaaminayay Xoghayaha Guud Antonio Guterres.
Ciidanka xooga Dalka Gaar ahaan Ururka 41 Guutada 5aad Q27aad & Ciidanka Difaaca Degaanka ayaa howlgal waxa ay ka sameeyeen Inta u dhaxaysa dagmada Buuloburte ilaa Degaanka halgan oo dhaca dhanka Jiinka Wabiga Shabeelle.
Hawlgalka ayaa waxa Hogaaminayey Taliyaha Ururka 41aad Guutada 5-aad Qaybta 27aad Xuseen Xasan Hoorow halka qeybna uu ka ahaa Kornayl Cabdinaasir Cali Cabdi waxana ay Ciidamadan cagta soo mariyeen deegano dhowr ah oo ay ka mid yihiin beerayabal iyo jicibow oo ay Al-Shabaab ku sugnaan jireen.
Saraakiisha howlgalka hoggaamineysay ayaa sheegay in Ciidanka ay burburiyeen Fariisimo ay Al-Shabaab ka sameyteen degaanka jicibow,nisla markaana Wabiga ka tallaabay markii ay ka warheleen iney ku soo wajahanyihin Ciidanka xoogga dalka.
Waxaa caawa si toosa u bilowday Simifinalka Tartan aqooneedka Idaacda Warsan Waxaana Lagu bilaabay Xaafadaha Kal ah Horseed A iyo Waaberi B, Xaafda Waaberi B ayaana ugudbtay Finalka Tartanka.
Madaxweynaha Jamhuuriyadda Federaalka Soomaaliya Xasan Sheekh Maxamuud ayaa ka qeyb-galay wada-hadallo degdeg ah oo ay yeesheen Madaxda Dalalka Urur Goboleedka IGAD, kuwaas oo ay kaga arrinasadeen iska-hor imaadyada hubaysan ee ka socda dalka Suudaan.
Shirkan oo ahaa mid Madaxdu ay ku yeesheen habka fogaan aragga ah ayaa Madaxweynaha Jamhuuriyaddu waxa uu la wadaagay hoggaamiyeyaasha kale ee dalalka IGAD sida dowladda Soomaaliya ay uga walaacsan tahay xaaladda dalka Suudaan, ayna codkeeda heer gobol iyo heer qaaradeedba ay ku garab istaagayso nabadda, midnimada iyo dowladnimada walaalahooda Suudaan oo hiil taariikhi ah u muujiyey dalkeenna, xilliyadii adkaa.
Ugu dambayn, madaxda dalalka IGAD ee shirkan ka qayb galay ayaa isku raacay in si deg-deg loogu diro dalka Suudaan wafdi ka shaqeeya joojinta colaadda iyo billaabidda wadahadallo lagu dhammeynayo caqabadaha jira, si loo celiyo nabadda iyo xasilloonida dalka Suudaan.
Qaraxa oo jugtiisa laga maqlay meelo kamid a magaalada muqdisho ayaa waxaa uu ka dhacay agagaarka Isbitaalka Yardameeli ee degmada Xamar Jajab, waxaana ka dhashay khasaaro isugu jira dhimasho iyo dhaawac.
Taliska Ciidanka Booliska Gobolka Banaadir ayaa sheegay in qaraxa uu ahaa mid ku qarxay Xubno katirsan Al-Shabaab oo Mooto Bajaaj ku waday qaraxa, waxaana ku dhintay Saddex kamid ah halka Hal Ruux oo shacab a uu ku dhaawacmay.
” Saaka baare 07:30 AM, Degmada Xamar Jajab, ayaa dhagar qabayaal saarnaa mooto Bajaaj, ay soo jiireen bar lagu hubiyo gadiidka, iyada oo la raacdeynayo ayeey bajaajtii ku qaraxday Waaxda General Daa’uud, dhagartoodii ay la damacsanayeen Ummadda Sooman ayaa iyagii ku laabatay waxaana goobta ku halaagsameen 3 dhagarqabe. Halka, qof muwaadin ah oo waddada marayay uu dhaawac fudud ka soo gaaray”.
Taliyaha Qeybta Booliska ee Waliyow Cadde Gaashaanle Daa’uud Axmed Caraale ayaa Afar Wariye oo ka tirsan Risaala TV iyo 5TV xiray, xilli ay tebinayeen khasaaraha ka dhashay qarax ka dhacay Kasoo Horjeedka Isbitaal Yardameli, Wariyaasha ayaa qalabkoodii laga qaatay waxaana lagu xiray Saldhigga Xamar Jajab.
Wariyeyaasha la xiray ayaa kala ah.
Cameraman Maxamed Siciid Nuur (Risaala TV)
Wariye Qaasim ibraahim Cadaan (Risaala TV)
Wariye Maxamuud Soofeysane (5TV)
Isxaaq Rashiid (5TV)
Tartanka caawa waxa uu udhaxeeyaa xaafadaha kala ah Horseed A iyo Towfiiq B.