Saraakiisha Caafimaad Bisha Cas ee Gobolka Gedo oo ka digey Cudurka
shuban Biyoodka oo Baardheere ku sii fidaya(Wareysi)
Howl wadeenada Caafimaadka Ururka Bisha Cas ee Gobolka Gedo ayaa waxay ka
deyriyeen Xaalado Caafimaad daro oo ka taagan qeybo ka mid ah degmooyinka
Gobolka Gedo,iyagoona sheegay in xilligan oo kuleyla ah in ay ka cabsi
qabaan in shuban biyoodka uu ka dilaaco,gaar ahaan degmada Baardheere.
Dr.Aden Cabdi Kheyr oo ah Madaxa Caafimaadka Ururka Bisha Cas ee Gobolka
Gedo ayaa isagoo ku sugan degmada Baardheere waxuu ugu baaqey bulshada ku
dhaqan degmada Baardheere in ay ka dig toonaadaan Cudurada ka dhasha saxo
xumada oo uu ugu daran yahay Cudurka Shuban biyoodka,isagoona ugu baaqey
dadweynaha Baardheere in ay istic maalaan biyo nadiif ah,islamarkaana laga
taxadaro meelaha uu ka dhalan karo cudurka Shuban biyoodka oo uu sheegay
sanadkii hore in dad badan ay ugu dhinteen Baardheere.
webiga Baardheere oo xilligan biyo yareeyey ,islamarkaana biyahiisu aan
nadiif ahayn iyo qashinka faraha badan ee yaala degmada ayuu tilmaamay in
uu ka dhalan karo xilligan Cudurka,waxuuna sheegay in bulshada looga baahan
yahay in ay iska hagaajiyaan nafaada deegaanka.
