Hadalkan ayuu Mr. Jaawireey sheegay mar uu mar uu ugu waramayay warbaahinta Garoonka diyaaradaha Shaati Gaduud ee magaalada Baydhabo. Waxaa kaloo uu gudoomiyihii hore ee BFS Jawaari xusay in gudiga qabanqaabada doorashooyinka ay si wanaagsan u gudanayaan hoowshooda ilaa iyo iminka uu kalsoonyahay qaabka ay u shaqaynayaan, inta dhimanna ay sidaan iyo si ka fiican uga soo bixi doonaan.
Dhanka amaanka mar uu ka hadlayay gudoomiyahii hore BFS Prof: Maxamed Sheekh Cusmaan Jawaareey, ayaa sheegay in Magaalada Baydhabo tahay meel ammaan ah oo xasilooni ay ka jirto, ciidamada Xoogga Dalka, Daraawiishta KG, Booliska iyo Nabad sugidda ay ku filanyihiin sugida ammaanka doorashooyinka la qorshaynayo in ay ka qabsoomaan Baydhabo 5ta Bisha December sanadkan 2018ka.
Intii uu joogay ayuu Baydhabo ayuu sheegay Gudoomiyihii hore BFS Mr. Jawaareey in uu la kulmay qaybaha kala duwan ee Bulshda sida dhalinyarada, aqoonyahanada iyo bulshada rayidka. Waxaana uu ku ammaanay dhalinyarada in ay yihiin kuwo wax bartay oo waddaniyiin ah, isla markaana isaga ay galisay kalsooni ah in KG ay u soo kaceen dhalinyaro lagu halayn karo mas’uuliyadda bulshada iyo aayaha danbe ee KG.
Waxaa uu amaanay madaxweynihii hore KG Shariif Xasan Sheekh Aadan sidii geesinimada lahayd ee uu uga tanaasulay musharaxnimadiisii u tartamidda doorashada KG iyo iscasilaadii mudda xileedkiisa uga dhinayd uguna wareejiyay xilka Gudoomiyaha BGS Cabduqaadir Shariif Sheekhunnaa Maye, oo iminka ah madaxweynaha KG KGS inta laga dooranayo madaxweyne cusub.
Ugu danbayntii waxaa uu Gudoomiye Jawaareey u mahad celiyay sii hayaha xilka madaxweynaha ahna gudoomiyaha BKGS Cabduqaadir Shariif Sheekhunaa Maye, oo uu yiri waxaa uu dadaal adag ugu jiraa qabsoomidda doorashada KG oo runtii u baahan buu yiri dhabar adeeg, karti iyo dulqaad badan.
Waxaa uu rajo fiican ka muujiyay gudoomiyii hore BFS Jawaareey doorashada KG in ay ku dhici doonto waqtigii ay gudiga doorashooyinka u qabteen oo ah 5ta December, isagoona u rajeeyay gudiga iyo gudoonkooda BKGS in ay doorashada ugu dhacdo si xor iyo xalaal ah oo ay musharixiinta dhammaantood ku qanacsanyihiin, KG ay ku yeelanayso madaxweyne amba qaadi kara bilaawgii wanaagsanaa ee madaxweeynihii taagay tiirka Dowladnimada KG ee Shariif Xasan Sheekh Aadan oo la meel dhigay KG dowlad goboleedyadii horteed tobonaan sano la dhisay.