Nin hubeysan oo la sheegay in uu ku labisnaa dareeska Cuiddamada Dowladda ayaa Wiil yar oo 14-jir ahaa waxaa uu ku dilay bartamaha Magaalada Jowhar ee Caasimadda Dowlad Goboleedka Hir-Shabeelle.
Wiilka la dilay oo lagu Magacaabi jiray Cabdiraxmaan Sheekh Cismaan Xuundow ayaa goobjoogayaal sheegeen in sababta loo dilay Wiilka yar ay aheyd in laga dhaco Mobile uu watay, iyada oo uu baxsaday Ninka dilka geystay.
Guddoomiyaha Gobolka Shabeellaha Dhexe iyo Ciidammo uu wato ayaa tegay halka dilka uu ka dhacay, balse aysan ku guuleysan inay gacanta ku dhigaan Ninka dilka geystay.
Allaha u Naxariistee Wiilka Yar ee Cabdiraxmaan Sheekh laguna dilay Magaalada Jowhar ayaa kamid ahaa ardayda wax kabarata dugsiga Hoose dhexe ee Sheekh Xasan Barsane, waxaana lagu wadaa in Maanta lagu Aaso Magaaladaasi Jowhar.
