Qaraxa oo geystay khasaaro dhimasho iyo dhaawac ah ayaa waxaa uu ka dhacay magaalada Kismaayo ee Gobolka Jubbada Hoose, waxaana lagu weeraray guri uu daganaa mid kamid ah masuuliyiinta maamulka Jubbaland.
Qaraxa ayaa waxaa lagu weeraray guriga mid kamid ah mas’uuliyiinta Dekadda Magaalada kismaayo, waxaana inta la xaqiijiyay ku dhintay laba qof oo middi ay tahay Haweeneey xaamilo ah & Wiil ay dhashay halka uu ku dhaawacmay Wiil 14 jir ah.
Afhayeenka Wasaaradda Amniga ee maamulka Jubbaland Jaamac Joofane ayaa sheegay in Guriga qaraxa lala beegsaday uu kuyaallo Xaafada Farjano gaar ahaan laanta Siinaay ee Magaalada Kismaayo, isla markaana dadka dhintay & kuwa dhaawacmay ay ahaayeen qoyska mas’uulka katirsan Maamulka Jubbaland.
Sidoo kale waxaa uu hadalkiisa uu intaasi kudaray in ay wadaan howlgallo kala duwan oo Amniga lagu xaqiijinayo, kaas oo ay kusoo qabteen in ka badan 20 Ruux iyo waxyaabaha qaraxa, sidoo kalena howlgallada ay sii socon doonaan.
Magaalada Kismaayo ee Gobolka Jubbada Hoose ayaa waxaa ay kamid tahay Goobaha ugu amniga wanaagsan degaannada Jubbaland, waxaana Ciidamada Booliska & Nabadsugida Jubbaland ay wadaan howlgallo kala duwan.