Madaxweynaha dalka Costa Rica ayaa ku dhawaaqay in dagaalka dhinaca internetka ee lagu jabsanayo aaladaha isgaadhsiinta ee dalkaas inay halis geliyeen geeddi socodkii dalka, ayna kooxaha ajnebiga ah ee weeraradan ka dambeeyaa ay doonayaan inay afgembiyaan dawladda dalkaas ka dhisan.
Weerarada madaxfurashada ah ee lagu qaaday dalka Costa Rica ayaa guud ahaan Khalkhal geliyey nolol maalmeedkii dalkan ku yaalla badhtamaha Ameerika. Weeraradan ayaa lagu eedaynayaa inay ka dambeeyaan kooxo maafiyo ah oo fadhigoodu yahay dalka Ruushka, waxaana kooxahani ay bartilmaameedsanayaan wadamada aanay horumarsanayn difaaca ay kaga hortegi karaan weerarada dhinaca internetka.