War goordhow soo dhacay ayaa sheegay in qarax uu ka dhacay bartamaha magaalada Baydhabo.
Qaraxa ayaa xilligii afurka ka dhacay bartamaha suuqa, kasoo horjeedka Bay Star. Waxaa wararku intaas ku darayaan in lala eegtay ciidan kuwa maamulka goboleedka ah oo halkaa joogay. Tiro 6 qofood ah ayaa ku geeriyootay halkaasi in ka badan 22na wey ku dhaawacmeen sida ay inoo xaqiijiyeen qaar ka mid ah dhakhaatiirta cisbitalka magaalada oo nala soo xiriiray.
Goobjoogayaal ayaa sheegay in qaraxa kadib ciidamadu rasaas fureen, lamana oga in qasaaraha nafeed iyo dhaawacyada oo dhan ay ka dhasheen bamka qarxay oo naloo sheegay in uu ahaa kan gacanta laga tuuro.
Wixii warar ah ee intaasi kasoo kordha dib ayaan idinkala soo socodsiin doonnaa.