Maamulka gobolka Shabeelaha hoose ayaa ka warbixiyay diyaarad caawa ku dhacday deegaanka Carbiska ee gobolka Sh/hoose,taasi oo in mudo ah dul heehaabeysay Hawada sare ee magaalada Muqdisho.
Diyaarada oo ciladi dhanka Lugaha ah ku timid,ayaa ugu danbeyntii caawa ah ku dhacday deegaankaasi.
Afhayeenka maamulka Gobolka Shabeelaha hoose gudoomiyaha degmada afgeeyey ee gobalka sh/hoose oo la hadlay warbaahinta KGS Warsan Radio ayaa xaqiijiyay in diyaarada ku dhacday deegaanka Carbiska mudana dul heehaabeysay Hawada sare Sh/hoose iyo Muqdisho.
Wuxuu sheegay in diyaarada oo nuuca rakaabka ah ay saarnaayeen Lix ruux oo Masaari ah gabi ahaana ay ka badbaadeen.
Diyaarada ayaa qeyb ka mid ah ka holacday,waxaana goobta gaaray mas’uuliyiin ka tirsan maamulka gobolka Shabeelaha hoose oo u gurmaday rakaabka diyaarada.
Max’ed Shiino ayaa beeniyay in diyaarada shilka gashay ay hub u siday Ciidamada AMISOM,isagoona cadeeyay in diyaarada ay saarnaayeen 6-ruux oo u dhashay dalka Masar.
Shacabka Muqwdisho ayaa si aad ah u hadal hayay kana wal walsanaa diyaarada inta ay hawada ku jirtay oo cilada dhanka lugaha heysay.
