Madaxweynaha Koonfur Galbeed Soomaaliya Shariif Xasan Sheekh Aadan Ayaa maanta ka Furey Magaalada Baydhabo ee xarunta Gobolka Bay, shir looga hadlaayo Hiigsiga Soomaaliya Ee Sanadka 2016, Xiligaas oo la filaayo in Soomaaliya ay ka dhacdo doorasho xur iyo halaal ah.
Shirkan ayaa waxaa ka qiib galiy Wasiiro ka tirsan Dowlada Federalka Soomaaliya, Maamul Goboleedyada , Wasiiro Ka tirsan Koonfur Galbeed Soomaaliya,Odayaasha Dhaqanka, Ururka Haweenka Ee Degmada Baydhabo iyo weliba Maamulka Gobolka Bay.
Madaxweynaha ayaa sheegey in soomaaliya ay soo martey marxalado kala gedisan isla markaana ay ahaayeen kuwo dadka soomaaliyeed lagu soo heshiisin jirey wadamada jaarka la ah soomaaliya, waxaa uu nasiib wanaag uu ku tilmaamey wadatashiga ay sameeynayaan umada soomaaliyeed ayna ka tashanayaan ayaaha doorashada sanadka 2016.
“ Ugu horeyn waxaan salaamaya wasiiradda DFS, Ergida kale Maamul Goboleedyada dalka, Kuwo Koonfur Galbeed Soomaaliya Ee Halkan fadhiya, maanta waxaa halkan u fadhinaa sidii aynu ugu tashan lahayn hiigsiga sanadka 2016, shirar badan oo looga hadlaayey arimaha nabad raadinta soomaaliya ayaa lagu qabtey dalal badan, maanta waxaa farxad inoo ah in aynu gudahiina ka tashanyo danaha soomaaliya| inagga oo joogno wadankeena” ayuu yiri Shariif Xasan.
Madaxweynaha ayaa sheegey in shirkan wadatashiga ah ee Hiigsiga 2016 uu muhiim u yahay shacabka Degaanada Koonfur Galbeed Soomaaliya, isagoona rajeeyey muda labada maalmood ee uu socon doono inuu ka soo baxi doono fikrado wanaagsan.
Dhanka kale Shariif xasan Sheekh Aden, Madaxweynaha Koonfur Galbeed Soomaaliya ayaa khubadiisa waxa kale uu si kuluul ugu hadleyey, dhibaatada ay geysanayaan Maleeshiyada Kooxda Mayalka adag Al-shabaab ee Soomaaliya ka dagaalanta isla markaana dagaal adag kula jirto Ciidamada Dowlada Soomaaliya iyo AMISOM.
“Nabaddan maanta aynu ku fadhino waxaa dhaliyeey Geesiyaasha Ciidamada Walalaha AMISOM iyo kuwa Koonfur Galbeed Soomaaliya oo riixey cadowga, waxaan rajeynayaa inta dhiman inay sii wadi doonaan Halwgalka ka dhanka ah kuwa nabadiidka” ayuu yiri Shariif Xasan.
Ugu dambeyntii,Shirkan Hiigsiga 2016 ee ka furmey Magaalada Baydhabo ayaa waxa uu socon doona mudo labo maalmood ah, iyadoona ka qiibgaliyaaasha ay soo gudbi doonaan fikrado kala gedisan, waxaan Goob ka ahaan doona gudiga doorashada madax banaan ee soomaaliya iyagoona aruursan doono fikradaha ka qiib galiyaasha iyo talooyinka ay soo jeedinayaan.
