Baardheere (WSR)—Wararka laga helayo Magaalada Baardheere ee Gobolka Gedo ayaa sheegaya in halkaasi uu Dagaal Culus ku dhexmaray Ciidamada Dowladda Soomaaliya oo kaashanaya AMISOM iyo kuwa Al Shabaab.
Dagaalkaan ayaa yimid kadib markii Xubno ka mid ah Ururka Al Shabaab ay Weerar Xoogan ku qaadeen Fariisimo Ciidamada Dowladda iyo kuwa AMISOM ay ku leeyihiin Garoonka Diyaaradaha Magaalada Baardheere.
Wararka ayaa sheegaya in Dagaalkaasi uu ka dhashay khasaaro isugu jira dhimasho iyo dhaawac inkastoo aan ilaa iyo hadda la cayimin Xaddiga uu la egyahay.
Mas’uuliyiinta Maamulka Degmada Baardheere oo la hadlay warbaahinta ayaa xaqiijiyay Dagaalkaasi balse waxaa meesha ay ka saareen in uu jiro khasaaro lagu gaarsiiyay Dagaalkaasi oo ay soo qaadeen Al Shabaab.
Ciidamada Dowladda Soomaaliya iyo kuwa AMISOM ayaa maalmihii u dambeeyay waxaa howlgallo kala duwan ay ka wadeen Degaano iyo Degmooyin ka tirsan Gobolka Gedo ee Koonfurta Soomaaliyeed.