Kooxda Arsenal ayaa laga soo xigtay inay ku kalsoon tahay gacan kusoo dhigista xidiga xulka Jarmalka iyo naadiga VFL Woflburg u cayaaro Julian Draxler.
Waxaa la sheegay in kooxda Wolfsburg ugu yaraan 10-cayaaryahan iska iibin doonto waxaana ugu horeeyo xidigaha ay fasixi doonto Julian Draxler.
Wargeska The Bild ayaa qoray in Arsenal ay Julian Draxler kusoo iibsan doonto aduun lacageed oo gaarayo €60 million.
Wargeska The Bild wuxuu sheegay in Arsenal xidigan sida ugu dhaqsiyaha badan kusoo qaadan doonto madaama 22-jirkan uu soo dhaweeyay dalabka uu Waqooyiga London kusoo aadayo.
Warbixintaan waxaa lagu sheegay in naadiga Wolfsburg ay iibin doonto 10-cayaaryahan oo caan ah waxaana ka mid ah Andre Schurrle oo kusii dhawaanaya ku biiritaanka naadiga Borussia Dortmund,.
Sidoo kale xidigaha Wolfsburg xagaagan iska iibin doonto waxaa ka mid ah Ricardo Rodriguez, Luiz Gustavo, Vieirinha, Daniel Caligiuri, Bas Dost, Diego Benaglio iyo Max Kruse
