Laacibka xulka England 21-jiradooda ka tirsan Jordon Ibe ayaa si rasmi ah ugu biiray naadiga Bournemouth wuxuuna soo gaba gabeeyay waayihiisii garoonka Anfield.
Jordon Ibe ayaa kooxda Liverpool u saftay 58-kulan asigoo u dhaliyay 4-gool balse Reds boos joogto ah wuu ka waayay haatana mustaqbalkiisa cayaareed wuxuu kasii wadan doonaa naadiga Bournemouth.
Waxaa si rasmi ah loo xaqiijiyay in kooxda Bournemouth ay Jordon Ibe ku iibsatay £15 million wuxuuna qalinka ku duugay heshiis 4-sano ah.
Ibe oo 20-jir ah ayaa kooxda Bourenmouth boos joogto ah ka heli doono waxayna kooxdan ka mid tahay naadiyada EPL haatan baaqiga ku ah.
Ibe kooxda Liverpool wuxuu kaga soo biiray naadiga Wycombe sanadii 2011 wuxuuna markaas jiray 16-sano balse Ibe marnaba uma suura galin inuu xirfadiisa cayaareed si joogto ah Anfield ugu soo bandhigo.
Kooxda Liverpool naadiga Bournemouth kula heshiisay inay Ibe dib usoo iibsan karto mustaqbalka hadii uu noqdo xidig isku filan.
