WRB:Waxaa si hamsami leh Garoonka Kubadda cagta ee Banaadir satadium uga soconaya tartanka kubadda cagta ee maamul goboleedyada dalka ka jira, iyadoo Jimcihii la soo dhaafay uu daah furay tartankaasi madaxweyaha Soomaaliya Xasan sheikh Maxamuud, waxaana u daawasho tagay dadweyne aad u fara badan oo ay ka mid yihiin mas’uuliyiin dowladda Dhexe ah iyo kuwa ka socda maamulada dalka ka jira.
Kulankii ugu horeeyay oo tartanka ciyaaraha ee dowlad goboleedyada aayaa lagu furay Xulalka gobolka Banaadir iyo Koonfur Galbeed, waxaana qeybtii hore lagu kala nastay 3-0 oo ay gobolka Banaadir ku hoggaamineysay, waxaana goolasha u dhaliyay Cabdullahi Suarez oo ka tirsan kooxda heerka labaad ee FC Banaadir, halka goolka labaad uu dhaliyay Liibaan Xasan oo u ciyaaray degmada Hilliwaa ciyaarihii degmooyinka gobolka Banaadir, waxaana goolka saddexaad ansixyay kabtanka kooxda Bariga Dhexe ee Axmed Cabdiqaadir Buush.
Markii dib la isugu soo laabtay qeybtii labaad ee ciyaarta ayaa ciyaartooyda gobolka Banaadir waxa ay heleen labo gool kale waxaana u dhaliyay Maxamed Ramirez oo ka tirsan kooxda FC Banaadir iyo xiddiga Buush oo markale shabaqa soo taabtay waxaana ugu dambeyn ciyaarta ay kusoo dhamaatay 5-0 oo guusha ku qaadatay gobolka Banaadir.
Jubbaland ayaa guuldarro kala kulantay Hiiran iyo Sh/Dhexe oo hal xul matalaya, kaddib ciyaar Shalay ka dhacday garoonka Banaadir ee degmada C/Casiis oo tartankaasi ciyaaraha ka socdo.
Ciyaartaasi ayaa aheyd mid aad u xiiso badan waxaan qeybtii hore lagu kala nastay 2-0 oo ay ku hoogaaminayaa Hiiran iyo Sh/Dhexe oo hal xul matalaya, waxaana goolasha u dhaliyay Xiddiga Xasan Kaafi iyo ciyaaryahanka Maxamed Xaamud Axmed.
Markii dib la isugu soo laabtay qeybtii labaad ee ciyaarta ayaa xiddigaha Jubbaland, waxa ay heleen hal gool waxaana iska dhaliyay xiddiga Maxamed Xaamud Axmed, isagoo noqday ciyaaryahankii ugu horeeyay ee gool iska dhaliyay tartanka maamul goboleedyada Soomaaliya, waxaana ugu dambeyn ciyaarta ay kusoo dhamaatay 2-1 oo ay guusha ku qaateen Hiiran iyo Sh/Dhexe oo hal xul matalaya,
Ugu dambeyn, maanta ayaa waxaa garoonka Koonis ku ballansan Koofur Galbeed iyo Putland, waxaana labadaan xul ay ku wada jiraan guruubka A.
