WRB:Ka hor inta uusan kooxdiisa Real Madrid kula biirin dalka Mareykanka, James Rodroguez ayaa ka hadlay hamigiisa ah inuu ku najaxo Santiago Bernabeu Stadium.
25 jirkaan ayaa kaliya ku soo bilowday 17 kulan oo Los Blancos ah xilli ciyaareedkii hore taasoo keentay inuu dhaliyo todobo gool islamarkaana uu caawiye ka noqdo sideed gool kale.
Ka hor inta uusan u ambabixin inuu bilaabo isku diyaarintiisa xilli ciyaareedka cusub, xiddiga reer Colombia ayaa soo bandhigay baahida uu u qabo inuu kulamo badan ciyaaro haddii uu sii joogayo kooxda.
“Waxaan rajeynayaa inaan wax badan ciyaaro, waana u dagaalami doonaa inaan shaqeysto booskeyga Madrid, si aan u gaaro heerka ugu sareysa halkaan ayaa ah riyadeyda.” ayuu yiri Rodriguez kaasoo dib u la midoobaya xiddigaha Real Madrid berri oo talaado ah.
“Waxaan sii joogi doonaa Real Madrid. Waan ogahay inay kooxda heshay dalab 85 milyan euro oo aniga la iga soo gudbiyay, laakiin ma baxayo.”
