{WARSANRADIO} Wasiirka Gaashaandhigga Xukuumadda Soomaaliya C/rashiid C/llaahi Maxamed ayaa maanta Guddiga gurmadka Abaaraha ku wareejiyay lacag dhan $51,000 (Konton iyo kow kun) oo dollarka Mareykanka ah.
Lacagtan ayaa laga soo uruuriyeen Ciidamada Milateriga Soomaaliya, oo laga jaray mushaaraadkii ay qaadanayeen.
Wasiirka Gaashaandhigga ayaa sheegay in ciidamada milateriga aysan muddo qaadan wax mushaar ah, sidaas darteed ay haatan diyaar u yihiin inay is garab taagaan shacabka Soomaaliyeed ee abaarta saameysay
Guddiga gurmadka Abaaraha ayaa Wasiirka difaaca uga mahad celiyay lacagta uu Guddiga ku wareejiyay, waxaana Guddiga ay tilmaameen in wax lagu farxo ay tahay tallaabada Ciidamada Milateriga ay lacagaha isaga soo uruuriyeen.
Ciidamada Booliska iyo Nabadsugida ayaa dhowaan iyana lacago ay iska soo uruuriyeen oo laga jaray mushaaraadkooda waxay ugu deeqeen dadka Soomaaliyeed ee abaaraha saameeyay
