Guddoomiyaha guddiga madaxabanaan ee doorashooyinka qaran Marwo Xaliimo Ismaaciil ayaa kula kulantay xafiiskeeda safiirka Sweden ee dalka Soomaaliya Staffan Tillander.
Kulankan ayaa loogaga hadlay halka uu maryo u diyaargarowga doorashada lagu wada in dalka Soomaaliya ay ka dhacdo sanadka dhamaadka 2020ka.
Safiirka Sweden ee Soomaaliya ku ammaanay shaqooyinka u qabsoomay ee doorashada Baarlamaanka iyo Madaxweynaha Soomaaliya ka hor doorashada sanadka soo aadan.
War ka soo baxay guddiga madaxa banaan ee doorashooyinka qaran ayaa lagu sheegay;
“Safiirka iyo gudoomiyaha Guddiga ayaa bogaadiyay shaqada wanaagsan ee labada aqal ka qabteen sharciga doorashooyinka, iyadoo Golaha Shacabka uu horey u soo ansixiyay Sharciga Doorashooyinka halka Aqalka Sare na la filaayo in uu dhawaan ansixiyo”.
Safiirka dowladda Swedan ee dalka Soomaaliya ayaa sheegay in dowladiisu ay diyaar u tahay taageerada hawlaha guddiga si uu xaqiijiyo doorashada qof iyo cod ah oo Soomaaliya ka dhacdo.