Kadib markii wasaarada gadiidka cirka iyo dhulka ee dowlad gobaleedka Koonfur Galbeed ay soo rugtay amar ahaa in laga bilaabo 16-04-2020-ka la joojiyey gadiidkii isaga kala gooshayay Magaaloyinka Muqdisho iyo Baydhabo ayaa waxaa wali aan ka dhaqan galin amarkaas Koonfur Galbeed.
Warqada Wasiirka oo soo baxdey 14-04-2020-ka ayaa ujeedada waxay aheyd si uusan u faafin cudurka Corona Virus,balse shaley iyo manta waxaa si caadi ah Baydhabo uga baxayay gadiidka rikaabka ah ee Muqdisho iyo Baydhabo.
Qaar ka mid ah dilaalinta u shaqa taga Boosteeejada gadiidka laga raro ee Magaalada Baydhabo ayaa Idaacada Warsan u sheegey in wali amarka ka dhaqan galin islamarkaana gadiidka si caadi ah shaqadooda u wataan.
Sikastaba waxaa aan la ogeyn in marka wasaarada maalmaha soo socda ka dhaqan gali doono Koonfur Galbeed iyo Inkale,laakin wadayaasha ayaa markii amarka soo baxay waxay aad cabasho uga muujiyeen amarka wasaarada soo saartay.