Kulankii 1aad ee Kalfadhiga 7aad ee Golaha Shacabka oo ay maanta Xildhibaanada ku yeesheen Magaalada Muqdisho ayay cod aqlabiyad leh ku ansixiyeen Sacdiya Yuusuf Shuuriye.
Sacdiya Yuusuf Shuuriye ayaa waxaa loo codeeyay inay ka mid noqoto Guddiga Madaxabannaan ee Doorashooyinka Qaranka, waxaana haa ugu codeeyay 156 Xildhibaan.
Maxamed Mursal Sheekh Cabdiraxmaan, Gudoomiyaha Golaha Shacabka oo shir guddoominayay shirka ayaana ku dhawaaqay inay ansax tahay meel marinteeda.
Sacdiya Yuusuf Shuuriye oo goobta ka hadashay ayaa Xildhibaanada Golaha Shacabka kaga mahadcelisay tallaabada ay ugu codeeyeen.
“Waad ku mahadsantihiin inaad ii codeyseen, waxaan Alle ka baryayaa inaan noqdo qof guta shaqadiisa, umadda Soomaalyeed u wada noqda qof u siman tahay, Insha’Allah. “Idinkuna shaqo badan baa idin taala, Ilaahay waxaan idinkaga baryay in aad noqotaan kuwii ka soo baxa. Waad mahadsan tihiin, aad baan idinkaga mahadcelinaya.” Ayay tiri Sacdiya Yuusuf
