Sii Hayaha Wasiirka Shaqada Oo Booqday Xarunta Guddiga Shaqaalaha Rayidka Ee Dowladda “SAWIRRO”

Sii hayaha Wasiirka Shaqada iyo Arrimaha bulshada Xukuumadda Federaalka Soomaaliya Mudane Sadiiq Xirsi Warfaa ayaa booqday xarunta Guddiga shaqaalaha rayidka ee Dowladda, halkaasi oo uu kulamo kulmay guddiga.

“waxaan booqday  Xarunta Guddiga Qaranka Shaqaalaha Rayidka ee Dowladda, annigoo kormeeray goobo loo diyaariyay wajiga labaad ee tira-koobka madax ka tirinta Shaqaalaha Rayidka Dowladda. Tirakoobkan waxaa mari doona Hay’adaha Dowladda ee aan la tirakoobin howlwadeennadooda wajigii koowaad”.ayuu yiri Wasiir Sadiiq.

Wasiirka Shaqada iyo arrimaha bulshada ayaa yiri “Waxaan u mahadcelinaya Guddoonka guddiga iyo howlwadeennada Wasaaradda ee ku howlan adeegga muhiimka u ah bulshada. Muddooyinkii u dambeeyay waxaan dadaal galinay horumarinta Shaqaalaha Rayidka Dowladda oo muhiim u ah himilooyinka Qaranka”